Parij Olimpiadasida taekvondo uchrashuvlari bo‘lib o‘tmoqda.
O‘zbekistonlik sportchi Jasurbek Jaysunov dastlabki bosqichda eronlik Barhordariga bahs olib bordi.
Dastlabki roundda hisob ochilmadi, ammo O‘zbekiston vakili faol bo‘lgani uchun ushbu round g‘alabasi unga nasib etdi. Ikkinchi roundda eronlik sportchi muddatidan oldin g‘alaba qozondi.
Hal qiluvchi roundda Jasurbek 6:3 hisobida oldinga chiqib oldi. Afsuski so‘nggi soniyalarda boshiga zarba o‘tkazib yubordi — 6:6. Uchinchi roundda eronlik sportchi faolroq bo‘lganini qayd etgan hakamlar g‘alabani Barhordariga berishga qaror qildi.
Endi Barhordori finalga yetib borgan taqdirda Jaysunov bronza medali uchun kurashish imkoniyatiga ega bo‘ladi.
Jasurbek Jaysunov 2002-yil 19-aprelda tug‘ilgan. U 2022-yilgi Osiyo o‘yinlarining bronza medali sohibi bo‘lgan.
2022-yil avgust oyida Turkiyaning Konya shahrida 74 kg vazn toifasida Islom birdamlik o‘yinlarida bronza medali sohibi bo‘lgan. 2022-yilda Janubiy Koreyaning Chunchon shahrida bo‘lib o‘tgan taekvondo bo‘yicha Osiyo chempionatida 74 kg vazn toifasida oltin medalni qo‘lga kiritgan.
Izoh (0)