O‘zbekistonda 8-avgust kuni ham issiq va quruq ob-havo bo‘ladi

“O‘zgidromet” 8-avgust, payshanba kuni kutilayotgan ob-havo haqida ma’lumot berdi.

Toshkent shahrida havo biroz bulutli bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi.

• Harorat kechasi 23-25 daraja, kunduzi 39-41 daraja bo‘ladi.

Qoraqalpog‘iston Respublikasi va Xorazm viloyatida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 15-20 metr/sekundgacha kuchayishi, ayrim joylarda chang-to‘zon bilan kuzatilishi mumkin.

• Harorat kechasi 22-27 daraja, kunduzi 37-42 daraja, baʼzi joylarda 44 darajagacha bo‘ladi.

Buxoro va Navoiy viloyatlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.

• Harorat kechasi 23-28 daraja, kunduzi 37-42 daraja bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi.

• Harorat kechasi 21-26 daraja, kunduzi 37-42 daraja bo‘ladi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi.

• Harorat kechasi 23-28 daraja, kunduzi 38-43 daraja, baʼzi joylarda 45 darajagacha bo‘ladi.

Andijon, Namangan va Farg‘ona viloyatlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 5-10 metr/sekund tezlikda esadi.

• Harorat kechasi 21-26 daraja, kunduzi 34-39 daraja bo‘ladi.

Respublikaning tog‘li hududlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi.

• Harorat kechasi 17-22 daraja, kunduzi 27-32 daraja bo‘ladi.

Prognozlarga ko‘ra, 8—9-avgust kunlar issiq kuchayadi. Iqlimshunos Erkin Abdulahatovning yozishicha, navbatdagi issiqlik to‘lqini avvalgilaridan kuchliroq bo‘lishi kutilmoqda. 9-avgust kuni O‘zbekistonning shimoli-g‘arbiy hududlariga salqin havo kirib kelishi boshlanadi. Buning hisobiga Qoraqalpog‘iston Respublikasi va Xorazm viloyatida harorat 32-37 darajagacha pasayadi.