Fransiyaning Parij shahrida yozgi Olimpiada o‘yinlari doirasida futbol musobaqasidan o‘rin olgan yarim final o‘yini bo‘lib o‘tdi.
Fransiya Misrga qarshi bahs olib bordi. Birinchi bo‘limda darvozalar ishg‘ol etilmadi.
Ikkinchi bo‘limda esa misrliklar hisobni ochdi. 62-daqiqada Saber o‘z nomini tabloga yozdirib qo‘ydi. 83-daqiqaga kelib, Mateta hisobni tenglashtirdi. Shu tariqa jamoalar qo‘shimcha bo‘limlarga murojaat qildi.
Qo‘shimcha bo‘limlarda fransuzlar faolroq harakat qildi. 99-daqiqada Mateta dublni rasmiylashtirdi. 108-daqiqada esa Olise ham o‘z hisobiga gol yozdirib qo‘ydi.
Yakuniy hisob 3:1, Fransiya foydasiga.
Ikkinchi yarim finalda Ispaniya Marokash ustidan zafar quchgan edi.
Endi finalda Ispaniya va Fransiya o‘zaro to‘qnash keladi. Final 9-avgust kuni bo‘lib o‘tadi. 3-o‘rin uchun kechadigan bahsda esa Marokash va Misr U-23 terma jamoalari to‘qnashuvini ko‘rishimiz mumkin.
Parij—2024.
Yarim final
5-avgust, dushanba
Fransiya — Misr 3:1
Gollar: 0:1 – 62 Saber, 1:1 – 83 Mateta, 2:1 – 99 Mateta, 3:1 – 108 Olise.
Fransiya U-23: Rest, Tryuffer, Lukeba, Bade, Sildiyya, Shotar, Diuf (Due, 76), Akliush (Magassa, 119), Olise, Lyakazett (Kalimuendo, 105), Mateta (Sherki, 118).
Misr U-23: Ala, Abdelmagid, Fayed, El Debes (Majar, 90), Shexata (Saad, 111), El-Nenni, Adel (Tarek, 93), Saber (Kamal, 98), Koka, Zizo (Xamdi, 111), Feysal (Otto, 90).
Ogohlantirishlar: Zizo (105+1), Kamal (105+2), Lukeba (105+4), Bade (89), Fayed (90+7), Mikale (90+8).
Chetlatish: Fayed (92).
Izoh (0)