Venesuela prezidenti Nikolas Maduro Ilon Maskni jangga chorladi.
Amerikalik milliarder ijtimoiy tarmoqlarda Venesueladagi oxirgi prezidentlik saylovlari natijalari soxtalashtirilgani haqida yozgan.
Saylovda g‘alaba qozongan 61 yoshli Maduro televideniye orqali Maskni jangga chaqirdi. Tadbirkor chaqiruvni qabul qildi va bir shart qo‘ydi: agar u g‘alaba qozonsa, Maduro o‘z lavozimini tark etadi, agar prezident g‘alaba qozonsa, unga Marsga bepul parvoz tashkillashtirib beriladi.
Iyul oyining oxirida Venesuelada amaldagi prezident Nikolas Maduro uchinchi muddatga o‘z lavozimiga saylandi. Markaziy saylov komissiyasi Maduroni saylovlarda 51,2 foiz ovoz bilan g‘olib deb e’lon qilganidan keyin mamlakatda ommaviy norozilik namoyishlari davom etmoqda. Muxolifat o‘z nomzodi Gonsales ko‘p ovoz bilan g‘alaba qozonganini ta’kidlagan. Qo‘shma Shtatlar Gonsalesni saylov g‘olibi deb tan olgan va Lotin Amerikasining ko‘plab davlatlari ovozlarni qayta sanashga chaqirgan.
Izoh (0)