Isroilda hukumat a’zolari uchun bunker tayyorlab qo‘yildi

Isroil Bosh xavfsizlik xizmati Quddus hududida yerosti bunkerini ishga tushirishga tayyorlab qo‘ydi.
Bu haqda Walla portali xabar berdi.

Unga ko‘ra, mazkur obyekt Livanning “Hizbulloh” harakati va Eron tomonidan kutilayotgan hujum tufayli ishga tushirilgan. Isroil rahbariyati bu bunkerda uzoq vaqt qolib, mamlakatni u yerdan boshqarish imkoniyatiga ega bo‘ladi.

Ynet portalining ta’kidlashicha, bu qaror 2007-yilda sodir bo‘lgan Ikkinchi Livan urushi natijalaridan keyin qabul qilingan. Bunkerning rasmiy nomi Inqirozlarni boshqarish milliy markazidir.

U raketa tahdidlaridan himoyalangan va obyektning joylashuvi hamda chuqurligi tasniflangan. Boshpana bir necha yuz kishiga mo‘ljallangan bo‘lib, unda yashash xonalari, ish xonalari va yig‘ilish xonalari mavjud. Bunkerda Tel-Avivdagi Isroil Mudofaa vazirligi majmuasiga ulangan yagona qo‘mondonlik markazi ham mavjud.

Qayd etilishicha, Quddus hududida joylashgan bunkerdan 2023-yil 7-oktyabrda HAMASning Isroilga hujumi va G‘azo sektorida harbiy operatsiya boshlanganidan beri 10 oy davomida biror marta foydalanilmagan.