Isroil mudofaa kuchlari hujumlarda halok bo‘lgan 84 nafar falastinlik jasadini G‘azoga qaytardi. Bu haqda Reuters nashri xabar berdi.
Manbada aytilishicha, jasadlari topshirilgan falastinliklar Isroilning quruqlik hujumida o‘ldirilgan. Jasadlarni aksariyati vayronalar ostidan olib chiqilib, qoplarga solingan hamda anklav hududiga yuborilgan.
G‘azo janubidagi Xon Yunis shahri favqulodda vaziyatlar xizmati direktori Yaman Abu Sulaymon jasadlar qabul qilinganini tasdiqlagan. Hozirda tibbiyot xodimlari ishtirokida o‘lim sabablar aniqlanayotgani aytilgan.
“Bosqinchilar bizga halok bo‘lganlarning ismi, ularning yoshi va boshqa maʼlumotlarni bermadi. Biz o‘ldirilganlar kimligini hatto bilmaymiz ham. Bu urush jinoyati, insoniyatga qarshi ulkan jinoyat”, degan Abu Sulaymon holatga munosabat bildirib.
84 ta jasad 15 dan ortiq qoplarga solib G‘azoga yuborilgan. Endilikda bu jasadlar Xon Yunis shahridagi Nosir kasalxonasi yaqinidagi ommaviy qabristonga dafn qilinishi belgilangan.
Falastindagi ko‘plab inson huquqlari tashkilotlari Isroilning xatti-harakatlarini qoralagan. Tel-Aviv harbiylaridan jasadlar shaxsi haqidagi maʼlumotlar topshirilishi talab qilingan.
Izoh (0)