Nukus davlat pedagogika institutiga noqonuniy yo‘llar bilan o‘qishga kiritib qo‘yishni vaʼda qilgan shaxslar ushlandi, deb xabar beradi Bosh prokuratura huzuridagi departament.
Qayd etilishicha, departamentning Xorazm viloyat boshqarmasi va Hazorasp tumani bo‘limi tomonidan IIB xodimlari hamkorligida tezkor tadbir o‘tkazilgan. Tadbirda G.X. va Ch.R. ismli shaxslar fuqaro X.B.ni tanishlari yordamida Nukus davlat pedagogika institutining maktabgacha taʼlim yo‘nalishi bo‘yicha o‘qishga kiritib qo‘yishi evaziga 2 750 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent kimyo xalqaro universitetining Samarqand filialiga o‘qishga kiritib qo‘yishni vaʼda qilgan shaxs ushlangani to‘g‘risida xabar berilgandi.
Izoh (0)