Xitoy hukumati mamlakat shimoli-sharqidagi Lyaonin provinsiyasida “Gaemi” to‘foni va u sabab bo‘lgan yog‘ingarchilik tufayli 27 mingga yaqin aholini evakuatsiya qildi.
Bu haqda Sinxua agentligi xabar bermoqda.
Unga ko‘ra, kuchli yog‘ingarchilik mintaqadagi 40 ta suv ombori sathining oshishiga olib kelgan. Mutasaddilar suvni muntazam ravishda ombordan chiqarishni boshladilar. Xavflarni kamaytirish uchun to‘g‘onlarda patrullar kuchaytirildi.
Toshqin xavfi tufayli yuzlab kimyo va tog‘-kon sanoati korxonalari faoliyatini to‘xtatdi.
Lyaoning ma’muriyati chora-tadbirlar ko‘rish rejimini o‘rta (uchinchi) darajaga ko‘tardi.
Avvalroq Filippinda “Gaemi” superto‘foni sabab bo‘lgan suv toshqinlari oqibatida 20 dan ortiq kishi halok bo‘lgani va kamida 15 kishi jarohatlangani haqida xabar berilgandi.
Izoh (0)