Filippinda “Gaemi” superto‘foni sabab bo‘lgan suv toshqinlari oqibatida 20 dan ortiq kishi halok bo‘ldi va kamida 15 kishi jarohatlandi.
Bu haqda ABS-CBN News xabar bermoqda.
Filippin milliy politsiyasiga ko‘ra, besh kishi hamon bedarak yo‘qolganlar ro‘yxatida. Manilada, shuningdek, mamlakat shimolidagi to‘rtta viloyatda favqulodda holat e’lon qilindi.
Mamlakat aviatsiyasi rahbarlari kuchli yomg‘ir va kuchli shamol tufayli 150 ga yaqin ichki va xalqaro reyslar bekor qilinganini aytdi.
Kecha 24-iyul kuni “Gaemi” superto‘foni sababli Xitoyda eng yuqori — qizil darajali xavf e’lon qilingani xabar berilgandi. Xitoy hukumati Futszyan provinsiyasidagi barcha kemalarga xavfli hududlarni tark etib, portlarda boshpana topishni buyurgan.
Izoh (0)