Pokiston Isroilni qo‘llab-quvvatlagan kompaniyalarga boykot e’lon qiladi

Pokiston Isroilni qo‘llab-quvvatlagan kompaniyalarni boykot qilish uchun qo‘mita tuzdi. Bu haqda Middle East Monitor xabar berdi.

“Pokistonda Isroilga yoki falastinliklarga qarshi urush jinoyatlarini sodir etishga bevosita yoki bilvosita ko‘maklashishi mumkin bo‘lgan bunday kompaniyalar va mahsulotlarni aniqlash uchun ham qo‘mita tuzildi”, dedi bosh vazirning siyosiy masalalar bo‘yicha maslahatchisi Rana Sanaulloh.

Qaror “Tahriki Labbayk Pokiston” harakatining norozilik aksiyasidan keyin qabul qilindi. Namoyishchilar falastinliklarga insonparvarlik yordami ko‘rsatishni, mamlakatda Isroilga aloqador har qanday tovarlarni sotishni taqiqlashni va yahudiy davlati bilan bog‘liq kompaniyalarning ishini cheklashni talab qilgandi. Odamlar ma’murlar bilan kelishuvga erishilgandan keyingina namoyishchilar tarqalgan. 

Pokiston hukumati Isroil bosh vaziri Binyamin Netanyaxuni rasman terrorchi deb eʼlon qilgan. Qaror Isroil rahbarini falastinliklarga qarshi harbiy jinoyatlari uchun javobgarlikka tortishni talab etadi. 

“Biz Netanyaxuni sudga berishni talab qilamiz. Bu shafqatsizlikni (Isroilning G‘azodagi harakatlari), Isroilni va unga aloqador barcha kuchlarni astoydil qoralaymiz”, deyiladi Pokiston rasmiylari xabarida.

Pokiston yahudiy davlati bilan diplomatik yoki savdo aloqalariga ega emas. Islomobod Isroil davlatini ham tan olmagan. Pokiston hukumati takror va takror 1967-yilgacha bo‘lgan chegaralarga asoslangan Falastin davlatini yaratish g‘oyasini qo‘llab-quvvatlab keladi.