Prezident maktablarining 1-bosqich imtihon natijalari eʼlon qilindi, deb xabar bermoqda Ixtisoslashtirilgan taʼlim muassasalari agentligi.
Maʼlum qilinishicha, 7-iyul kuni o‘tkazilgan 1-bosqich imtihon natijalarini Kembrij taʼlim tashkiloti rejalashtirilgan vaqtdan oldinroq eʼlon qildi. Imtihon natijalarini Cambridge Assessment International Education tashkilotining rasmiy veb-sahifasi orqali ko‘rish mumkin: presidential-schools-pre-selection-results-July-2024
Shuningdek, “portal.piima.uz” saytining “Qabul 2024” bo‘limi “Natijalar” oynasidan “Prezident maktabi natijalari” bo‘limida ID raqamni kiritish orqali ham natijalarni bilish mumkin: https://portal.piima.uz/page/ps1
Ixtisoslashtirilgan maktablar haqida
2022-yil 14-aprel kuni prezidentning “Prezident ta’lim muassasalari agentligi tizimidagi ixtisoslashtirilgan maktablar tarmog‘ini kengaytirish to‘g‘risida”gi farmoni imzolangan. Unga ko‘ra, 2023-yil 1-iyunga qadar faoliyati tugatilgan mehribonlik uylari va bolalar shaharchalari negizida 5 ta ixtisoslashtirilgan maktab-internati hamda 3 ta ixtisoslashtirilgan maktab; 2022—2024-yillarda Prezident ta’lim muassasalar agentligi tizimida 25 ta ixtisoslashtirilgan maktab-internatlari qurish hamda kelgusida yangi ixtisoslashtirilgan maktab-internatlar va ixtisoslashtirilgan maktablarni faqat agentlik tizimida tashkil etish kabi vazifalar belgilab berilgan.
Izoh (0)