1997-yilda suratga olingan mashhur “Titanik” filmidagi Rouz Dyuitt Byukeyter (Keyt Uinslet) kiygan palto auksionda yuqori narxga sotilishi kutilmoqda. Bu haqda Daily Mail’ga asoslanib “oxu.az” xabar berdi.
“Cho‘kayotgan palto” deb nomlanuvchi rekvizit “Ko‘ngilochar loyihalardagi esdalik buyumlar” nomli yirik auksionda 125 000 dan 250 000 dollargacha narxda sotilishi mumkin. Tadbir PropStore kompaniyasi tomonidan tashkillashtirilib, 15—18-avgust kunlari bo‘lib o‘tadi.
Rouz birinchi marta ushbu paltodagi obrazida kema aysberg bilan to‘qnashganidan so‘ng paydo bo‘ladi. Aynan shu kadrlarda Tomas Endryusning arxitektori Rouzga “Titanik” bir soat ichida cho‘kib, Atlantika okeani tubiga tushishi haqida xabar beradi. Ushbu paltoda Rouz onasi va Kel ismli qahramon bilan qutqaruv qayig‘iga chiqishga taraddud ko‘radi.
Qayd etilishicha, palto dizaynerlari suratga olish uchun kiyimni bir necha marta qayta yaratishga majbur bo‘lgan, chunki palto suvga tushib ketavergan. Bu vaqtda esa bir nechta sahnalarni suratga olish kerak bo‘lgan.
Mazkur pushti va qora gulli paltoning ikkita versiyasi ilgari turli auksionlarda sotilgan: birinchisi 2019-yilda GWS auksionida 270 ming dollarga, ikkinchisi 2023-yilda Goldin auksionida 110 ming dollarga sotilgan.
Izoh (0)