Toshkent shahrining Yashnobod tumanida MCHJni qasddan bankrotlikka olib kelish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tergovga qadar tekshiruvda “B-N.” MCHJ rahbari A.I. kreditor “P.” MCHJdan 96 430 dollar va 322,9 mln so‘m soliq qarzdorligini to‘lamaslik maqsadida korxonaning umumiy maydoni 14 779 kvadrat metr bo‘lgan noturar binosini o‘g‘li A.I.ning taʼsischiligidagi “R.” MCHJga go‘yoki 229,8 mln so‘mga sotgani to‘g‘risida shartnoma rasmiylashtirib, MCHJni qasddan bankrotlik holatiga olib kelgani aniqlangan.
Mazkur holat yuzasidan Jinoyat kodeksining 181-1-moddasi (qasddan to‘lovga qobiliyatsizlikka olib kelish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)