20-iyul kuni O‘zbekistonda birinchi Startup Garage loyihasining ochilish marosimi bo‘lib o‘tdi.
Startup Garage — innovatsion va tadbirkorlikni rivojlantirishga qaratilgan tashabbus bo‘lib, O‘zbekistonda startap loyihalarni qo‘llab-quvvatlash, sarmoya jalb qilish va yangi ish o‘rinlarini yaratishga yo‘naltirilgan. Loyiha yosh va iste’dodli tadbirkorlarga zarur resurslar, bilimlar va ko‘nikmalar taqdim etib, ularning loyihalarini muvaffaqiyatli amalga oshirish imkoniyatini beradi.
Startup Garage tadbirkorlik va innovatsiyalarni qo‘llab-quvvatlash maqsadida tashkil etilgan. Loyiha yirik banklar va moliyaviy tashkilotlar tomonidan qo‘llab-quvvatlanadi. Tashkilotchilar qatorida Raqamli texnologiyalar vazirligi, AloqaBank, Aloqaventures, Mohirdev.
Startup Garage’ning asosiy maqsadi yangi startap loyihalarini qo‘llab-quvvatlash, ularga sarmoya jalb qilishda yordam berish va har birida kamida 10 kishidan ish o‘rinlarini yaratishdir. Startup Garage yiliga 20 dan ortiq startap loyihalarni qo‘llab-quvvatlashni maqsad qilgan. Bu tashabbus orqali O‘zbekistonning texnologik va iqtisodiy rivojlanishiga hissa qo‘shish ustuvor maqsad qilib qo‘yilgan.
Startup Garage yangi texnologiyalar, sun’iy intellekt va innovatsion g‘oyalarni rivojlantirishga katta e’tibor qaratmoqda. Loyihaning vazifasi yosh va iste’dodli tadbirkorlarni qo‘llab-quvvatlash, ularga zarur resurslar va bilimlar bilan yordam berishdir. Startup Garage hozirgacha 5 ta loyihani o‘z tarkibiga olgan: Magicbot — SaaS B2B e-commerce platformasi. Humocommerce — tijorat va chakana savdo tizimlashtirish platformasi. Pulse EV — elektr transport vositalari uchun zaryadlash stansiyalari o‘rnatuvchi va ishlab chiqaruvchi kompaniya. Ish.uz — ish qidirish va kadrlar yollash platformasi. Vamar TMS — transport menejment tizimi.
Startup Garage’da qatnashishning afzalliklari quyidagilardan iborat: loyihalar zarur resurslar va tajribali murabbiylar bilan ta’minlanadi, startaplar uchun sarmoya jalb qilish imkoniyatlari yaratiladi, yirik moliyaviy institutlar va boshqa tadbirkorlar bilan aloqalar o‘rnatish imkoniyati mavjud, boshqa startaplar bilan tajriba almashish va hamkorlik qilish imkoniyati taqdim etiladi, shuningdek loyihalarga marketing va reklama bo‘yicha yordam ko‘rsatiladi. Bu esa ularning bozorda o‘z o‘rnini topishiga yordam beradi.
Startup Garage’ga kirish uchun startupgarage.uz saytida ro‘yxatdan o‘tish yoki +998770475753 raqamiga qo‘ng‘iroq qilish mumkin.
Sheriklik huquqi asosida.
Izoh (0)