Avstraliyaning Davidson Auctions kompaniyasi aktyor Rassel Krou va Nikol Kidmanning dastxatlari tushirilgan shiftning bir qismini kim oshdi savdosiga qo‘ydi. Bu haqda Australian Financial Review’ga tayanib “Pravila jizni” nashri xabar berdi. Auksion 20-iyul shanba kuni soat 11:00 da bo‘lib o‘tadi.
Sotuvga qo‘yilgan lot 2013-yilda yopilgunga qadar Sidneyda joylashgan Darcy’s restorani shiftining bir parchasi edi. 2001-yilda Rassell Krou mazkur restoranga o‘zining bir qancha mashhur hamkasblari va yaqinlari bilan tashrif buyurgan.
U yerda aktyor “Gladiator” filmi uchun “Eng yaxshi aktyor” nominatsiyasida “Oskar” mukofotini olganini nishonlagan. Film Ridli Skott tomonidan suratga olingan va millionlab tomoshabinlarga manzur bo‘lgan edi.
Ziyofat payti mehmonlardan biri stol ustiga sakrab chiqib oladi va qo‘lidagi mukofot haykalchasini yuqoriga ko‘tardi. Ziyofat vaqtida u tasodifan haykalcha bilan restoranning gipsokarton shiftini teshib qo‘yadi. Bunday qilmishi uchun u yetkazilgan moddiy zararni qoplash o‘rniga Krou va Kidmanga shikastlangan hududga dastxat qo‘yishni taklif qiladi.
Darcy’s restoranining egasi Attilio Marinanjeli ulardan pul talab qilmadi va aksincha, voqealarning bunday rivojidan faqatgina xursand edi.
Foto: True local
Dastxat yonida Krou “amore” so‘zini ham yozib qo‘ydi (italyan tilidan “sevgi” deb tarjima qilinadi). Keyinchalik bu yozuv kesilib, bir parcha shift bo‘lagi fotosurat ramkasiga solib qo‘yilgan va restoranning kirish qismiga osib qo‘yilgan. Yozuv u yerda restoran yopilib ketgunga qadar qoldi.
Qayd etilishicha, Rassel Krou Darcy’sning doimiy mijozi bo‘lgan va hatto o‘zining sobiq rafiqasi Daniel Spenserga o‘sha yerda turmush qurish taklifini bergan.
Izoh (0)