Sirdaryo tumanida 2 ta AGTKSH 28,4 mlrd so‘mlik tabiiy gazdan noqonuniy foydalanganliklari aniqlandi. Bu haqda Elektr energiyasi, neft mahsulotlari va gazdan foydalanishni nazorat qilish inspeksiyasi xabar berdi.
![](/static/2024/07/21/2024-07-21 17.21.57-7VUmB8bY.jpg)
Maʼlum qilinishicha, Sirdaryo tumanida joylashgan “M.G.” MCHJga qarashli AGTKSHda jamiyat mansabdor shaxslari “Avtopilot-Pro” rusumli gazni hisobga olish uskunasining qurilmalariga tashqi taʼsir ko‘rsatib 20,5 mlrd so‘mlik (8,2 mln kub metr) tabiiy gazni o‘g‘irlagan.
![](/static/2024/07/21/2024-07-21 17.21.59-U6x9zu2m.jpg)
Bu kabi holat Sirdaryo tumanidagi “S.A.L.” MCHJga qarashli AGTKSHda o‘rnatilgan hisobga olish uskunasining qurilmalariga tashqi taʼsir ko‘rsatishi oqibatida 7,9 mlrd so‘mlik (3 mln kub metr) tabiiy gaz talon-toroj qilingan.
![](/static/2024/07/21/2024-07-21 17.22.01-KX-W3Dgw.jpg)
Mazkur holatlar yuzasidan JKning 169-moddasi (o‘g‘rilik), 4-qismi “a” bandi bilan jinoyat ishlari qo‘zg‘atilib, gumonlanuvchi shaxslar protsessual tartibda ushlangan.
Izoh (0)