Ular hatto choychaqa qoldirmaydi: eng ziqna Gollivud yulduzlari

Jahon yulduzlari millionlab dollar ishlab topadi — ular pullarini ko‘ylak yoki soatga, hashamatli narsalarga sarflashi mumkin. Ular qimmatbaho mashinalar haydaydi, qo‘riqchilar yollaydi va shaxsiy samolyotlarda uchadi. Vaholanki, ularning ba’zilari hisob-kitob qilmasdan restorandan qochib ketishga, choychaqadan tejab qolishga va yaqinlariga arzon sovg‘alar berishga harakat qiladi.

Lindsi Lohan

So‘nggi paytlarda Lindsi Lohan o‘zining mashhurligi, daromadi va odatiy hayotini tiklay boshladi. Biroq aktrisaning obro‘si nafaqat qonun bilan bog‘liq muammolar tufayli, balki mayda-chuyda narsalarni deb ham yaxshigina to‘kilgan. Lindsi bir necha marta go‘zallik salonida istaganicha foydalanib, pul to‘lamay qochib ketgan.

Madonna

Madonna nafaqat juda talabchan, hatto shafqatsiz, shuningdek, pul to‘lashni ham yoqtirmaydi. Stilistlar, vizajistlar, ovoz muhandislari, raqqosalar va boshqa xodimlarga maosh to‘lash haqida gap ketganda, dunyodagi eng boy xonandalardan biri har bir tiyinni hisoblab beradi. Shuningdek, u restoran va mehmonxonalarda choychaqa qoldirmaydi.

Viktoriya Bekhem

Viktoriya Bekhem foydalanadigan xizmatlari uchun pul to‘lashni yomon ko‘radi. Ba’zida u nafaqat so‘rashni, balki bepul xizmat ko‘rsatishni talab qilishni ham boshlaydi. Buning evaziga u oddiy mijoz sifatida uning ismi bilan chaqirishlariga ruxsat beradi. Bekhem yaqinlariga arzon ramziy sovg‘alar berishi bilan ham tanilgan.

Britni Spirs

Britni Spirs ham pul sarflashni yoqtirmaydi. U nafaqat ofitsiantlar uchun choychaqa qoldirmaydi, balki restoranda yegan ovqatlariga hisob-kitob qilishni ham xohlamaydi. Ssenariy har doim bir xil: avvaliga 2000-yillarning pop yulduzi ovqatga buyurtma beradi, uni yeydi. Keyin ovqat yoki xizmatdan ko‘ngli to‘lmay, janjal ko‘taradi, shunday qilib pul to‘lamay chiqib ketadi.

Jennifer Lopes

Insayderlarning xabar berishicha, Ben Afflek katta xarajatlarga juda ziqna, shu sabab uning hashamatli hayoti uchun rafiqasi Jennifer Lopes haq to‘lagan, qolaversa, xonandaning o‘zi ham pul sarflashni yoqtirmaydi. Buni xonanda bilan birga ishlagan ko‘pchilik tasdiqlaydi. U xizmatkorlarga, yordamchilarga va boshqa xodimlarga kam maosh to‘laydi. Bir marta u Afflek kazino xodimiga choychaqa sifatida qoldirgan 500 dollarlik fishkani tortib olgan.

Shon Penn

Ziqna hisoblangan yana bir yulduz — Shon Penn. U hech qachon choychaqa qoldirmaydi, na ofitsiantlarga, na mehmonxonalarda. Ammo aktyor xayriya ishlariga katta mablag‘ sarflaydi. Penning so‘zlariga ko‘ra, xizmat ko‘rsatish xodimlari ishi uchun maosh oladi, shuning sabab ular choychaqaga muhtoj emas.