AQSHning sobiq prezidenti Donald Tramp Ukraina prezidenti Vladimir Zelenskiy bilan telefon orqali muloqot qilgani haqida xabar berdi. Bu haqda u Truth ijtimoiy tarmog‘ida yozgan.
“Amerika Qo‘shma Shtatlarining navbatdagi prezidenti sifatida men dunyoda tinchlik o‘rnataman va ko‘plab odamlarning hayotiga zomin bo‘lgan va son-sanoqsiz begunoh oilalarni vayron qilgan urushga barham beraman. Har ikki tomon yig‘ilib, zo‘ravonlikka chek qo‘yadigan va tinchlikka yo‘l ochadigan kelishuvni muzokara qilishi mumkin”, dedi Tramp.
![](/static/2024/07/20/tramp2-llI003Mx.jpg)
Tramp bu yilgi prezidentlik saylovlarida g‘alaba qozonsa, Ukraina mojarosini tezda hal etish niyatida ekanini bir necha bor ta’kidlagan. 27-iyun kuni AQSH prezidenti Jo Bayden bilan bo‘lib o‘tgan saylovoldi debatida Tramp agar qayta saylansa, 2025-yil 20-yanvarda lavozimga kirishgunga qadar mojaroga barham berishni va’da qilgandi.
Izoh (0)