AQSH razvedka idoralari hozircha sobiq prezident Donald Trampga o‘q uzgan Tomas Metyu Kruksning xorijiy davlatlar bilan aloqalari bo‘lganiga oid biron bir alomatni aniqlamagan, deb yozadi The New York Times (NYT).
“Uning chet elda sheriklari yoki aloqalari borligi haqida hech qanday dalil topilmadi”, deb yozadi nashr FQBdagi suhbatdoshlariga tayanib.
Shu bilan birga, nashrning qayd etishicha, Kruksning smartfonini o‘rganish asosida ekspertlar u Trampni ham, AQSHning amaldagi prezidenti Jo Baydenni ham kuzatgani haqidagi xulosaga kelgan.
“FQB rasmiylari Kongressdagi tinglovda Trampni o‘ldirmoqchi bo‘lgan shaxs Tramp bilan birga Bayden va boshqa jamoat arboblarini kuzatib yurganini aytdi”, deb yozadi NYT.
Izoh (0)