Turkiya sohil xavfsizlik xizmati Egey dengizida 71 nafar noqonuniy muhojirni qutqarib qolgan. Bu haqda Turkiya Sohilni qo‘riqlash qo‘mondonligi bergan maʼlumotga asoslanib, Anadolu nashri xabar berdi.
Manbada aytilishicha, holat Turkiyaning Mug‘la viloyati qirg‘oqlarida yuz bergan. Tartibsiz yo‘nalishdagi muhojirlar Egey dengizida to‘lqinlar girdobida qolib ketgan.
Turkiya rasmiylari muhojirlar dastlab Gretsiya hududiga kirmoqchi bo‘lganini xabar qilgan. Biroq Gretsiya dengiz kuchlari ularni qabul qilmasdan Turkiya hududiy suvlari tomonga haydagan.
Sohil hududi bo‘ylab 71 kishini xavfsizlik transportiga ko‘chirishga erishilgan. Alohida qayiqda bo‘lgan 11 nafar bola ham qutqarib olingan.
Muhojirlar so‘roqdan so‘ng viloyat immigratsiya boshqarmasiga topshirilgan. Ular qayerdan kelgani va salomatligi haqida maʼlumot to‘plashga kirishilgan.
So‘nggi haftalarda Turkiya janubiy va g‘arbiy suvlarida noqonuniy migrantlar faoliyati kuchaygan. Hukumat sohil qo‘riqlash xizmatlariga patrullik soatlarini ko‘paytirishni hamda muhojirlarni muntazam tekshiruvdan o‘tkazishni buyurgan.
Izoh (0)