Turkiyada o‘tkazilgan xalqaro folklor xalq raqs festivalida O‘zbekiston 1-o‘rinni qo‘lga kiritdi

Turkiyada 23 davlatdan 720 nafar san’atkor ishtirokida o‘tkazilgan “Oltin qorako‘z” xalq raqslari tanlovida O‘zbekiston jamoasi g‘olib bo‘ldi.

“Oltin qorako‘z” 36-xalqaro folklor xalq raqs festivali 7—12-iyul kunlari Turkiyaning Bursa shahrida o‘tkazilgandi. Unda dunyoning 20 dan ortiq davlatlari qatorida O‘zbekiston davlat filarmoniyasining “Navbahor”  raqs ansambli hamda “Bek” doirachilar ansambli ishtirok etdi. 

6 kun davom etgan tanlovda:

• 1-o‘rin O‘zbekiston delegatsiyasiga;
• 2-o‘rin Turkmaniston delegatsiyasiga;
• 3-o‘rin Bolgariya delegatsiyasiga nasib etdi.

“Oltin qorako‘z” festivali 62 marotaba o‘tkazilgan bo‘lib, 36 yildan buyon konkurs sifatida tashkil etib kelinmoqda.  Festivalning 62 yillik tarixida O‘zbekiston ilk bor 1-o‘rinni egalladi.