Ruminiyada parlament quyi palatasi mamlakatda ayiqlar populyatsiyasini kamaytirishni nazarda tutuvchi qonun loyihasini ma’qulladi. Bu haqda Digi24 xabar berdi.
Loyiha uchun 214 nafar deputat ovoz berdi, 7 nafar deputat qarshi chiqdi, 23 nafar parlament a’zosi betaraf qoldi. Hujjatga ko‘ra, 2024 va 2025-yillarda Ruminiya hududida 480 ga yaqin qo‘ng‘ir ayiq otib tashlanishi mumkin.
Shu bilan birga, mamlakat bosh vaziri Marchel Cholaku hayvonlarni shunchaki o‘ldirishga ruxsat berilmasligi, sayyohlar uchun xavfli hududlarda otish ko‘rib chiqilishini aytdi.
“Hozirgi vaqtda ma’lum hududlarda ayiqlar to‘planishi kuzatilmoqda va oziq-ovqat yetishmagani sababli ular odamlar yashaydigan hududlarga tushmoqda”, deya tushuntirdi u.
Avvalroq Slovakiya qo‘ng‘ir ayiqlar populyatsiyasini nazorat qilish bo‘yicha Yevropa qonunchiligini o‘zgartirish tarafdori bo‘lgandi. Mamlakat o‘z shaharlari va qishloqlari yaqinidagi barcha ayiqlarni yo‘q qilish niyatini e’lon qilgan.
Izoh (0)