“Ishdagi ishq” sovet filmidagi ushbu xatolikka kinoning birinchi qismida guvoh bo‘lishimiz mumkin. Gap Novoseltsev Shuraga ot haykalini majlislar xonasiga olib kirishga yordam bergan epizod haqida ketmoqda. Syujetga ko‘ra, ayni paytda qahramon Lyudmila Kalugina (Alisa Freyndlix) kotiba Verochka (Liya Axedjakova) yordamida chiroyli qadam tashlashni o‘rganayotgan bo‘lgan.
Xonaga notanish odamlar kirib kelganda, Kalugina shoshilib jigarrang pidjagini kiyadi, lekin tugmalarni qadashga ulgurmaydi.
So‘ng Kalugina tugmasi yopiq kiyimda Novoseltsev bilan suhbatlashgan kadr paydo bo‘ladi. Novoseltsev haykalni stolga qo‘yish vaqtida yiqilib tushadi. Shu vaqt Kalugina pidjak tugmalari qadalgan holda unga yordam beradi.
Rejissyor Eldar Ryazanovning “Ishdagi ishq” filmi 1977-yili Mosfilm tomonidan suratga olingan. Mana deyarli yarim asrdan buyon ushbu komediya ko‘plab tomoshabinlar ko‘nglini zabt etib kelmoqda. Film Eldar Ryazanovning Emil Braginskiy bilan birga teatr uchun yozgan “Hamkasblar” nomli qissasi asosida suratga olingan va 1979-yil RSFSR Davlat mukofoti bilan taqdirlangan.
Filmda Moskvadagi statistika qo‘mitasining turmushga chiqmagan rahbari Lyudmila Kalugina va uning qo‘l ostida ishlovchi iqtisodchi xodim Anatoliy Novoseltsevning nafrat bilan boshlangan munosabatlarining sevgiga aylanishi ko‘rsatib berilgan.
Izoh (0)