O‘zbekistonning olis hududlaridagi tadbirkorlarga 3,2 trillion so‘mlik yordamlar ko‘rsatildi, deb xabar bermoqda Iqtisodiyot va moliya vazirligi.
Unga ko‘ra, prezident farmoniga asosan belgilangan 4–5-toifaga kiruvchi hududlarda faoliyat yuritayotgan 8 886 nafar tadbirkorning 9 571 ta loyihasiga 2018–2024-yillar davomida 3 trillion 252 milliard so‘m moliyaviy yordamlar taqdim etildi.
Buning natijasida jami 78 984 ta yangi ish o‘rni yaratilishiga erishildi.
![](/static/2024/07/15/gtff-HCHgoURK.jpg)
O‘zbekistonda yirik soliq to‘lovchilarni aniqlash mezonlari o‘zgartirilgan edi. Avvalroq O‘zbekistonda 122 ming 862 ta tashkilot 2024-yilning yanvar—may oylarida 10,6 trln so‘m miqdorda soliq imtiyozlaridan foydalangani to‘g‘risida xabar berilgandi. Shu bilan birga 2 561 ta korxona moliyaviy xizmatlar bo‘yicha 7,9 trillion so‘mdan ortiq QQSsiz operatsiyalar amalga oshirgan.
Izoh (0)