O‘zbekistonda hafta davomida qanday ob-havo bo‘lishi ma’lum qilindi

“O‘zgidromet” 15—19-iyul kunlariga ob-havo prognozini e’lon qildi.

Unga ko‘ra, dushanba va seshanba kunlari O‘zbekiston hududi bo‘yicha havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi, faqat Toshkent viloyati va Farg‘ona vodiysi viloyatlarida, shuningdek, bugun kunduzi Xorazm, Navoiy viloyatlarining ayrim joylarida qisqa muddatli yomg‘ir yog‘ishi, momaqaldiroq bo‘lishi mumkin.

Havo harorati 32-35 daraja atrofida, janubda va cho‘l hududlarda 36-39 darajagacha bo‘ladi.

So‘ngra ish haftasining oxirigacha O‘zbekiston hududi bo‘yicha yog‘ingarchiliksiz ob-havo bo‘lishi kutilmoqda. Faqat respublikaning ayrim tog‘oldi hududlarida qisqa muddatli yomg‘ir yog‘ishi mumkin.

Havo harorati faqat 2-3 darajaga ko‘tariladi va 34-37 daraja atrofida, janubda va cho‘l hududlarda 38-40 darajagacha bo‘ladi.

Shamol 7-12 metr/sekund tezlikda esadi, baʼzi joylarda 13-18 metr/sekundgacha kuchayadi, 15—16-iyulda ayrim joylarda 18-23 metr/sekundgacha kuchayishi, chang-to‘zon bilan kuzatilishi mumkin.

Toshkentda dushanba va seshanba kunlari asosan yog‘ingarchiliksiz ob-havo bo‘lishi kutilmoqda, faqat 15-iyuldan 16-iyulga o‘tar kechasi va 16-iyulda ertalab shahar bo‘yicha baʼzi joylarda qisqa muddatli yomg‘ir yog‘ishi, momaqaldiroq bo‘lishi mumkin. 17—19-iyulda yog‘ingarchilik kutilmaydi.

Harorat 15—16-iyulda 32-35 daraja, 17—19-iyulda 35-37 daraja bo‘ladi.