Braziliya terma jamoasining sobiq hujumchisi Rivaldo Braziliyaning Amerika Kubogi chorak finalidagi mag‘lubiyatini sharmandalik deb atadi.
Braziliya chorak final bosqichida Urugvayga penaltilar seriyasida mag‘lub bo‘ldi.
“Men Braziliya jamoasining sobiq futbolchisi sifatida gapirmoqchiman. Bunday tanqidlar odatiy hol va futbolchilar mas’uliyatni o‘z zimmalariga olishlari kerak. Braziliyaning Amerika Kubogidagi ishtiroki sharmandali bo‘ldi. O‘yinchilarga hurmat bilan aytamanki, ular o‘zlarini ko‘proq ko‘rsatishlari kerak. Bizda muhim bahslarda o‘ynash tajribasiga ega bo‘lmagan futbolchilar ko‘p.
Braziliya termasida Amerika Kubogiga tayyor bo‘lmagan futbolchilar bor edi. Endi bizni tajribasiz jamoa sifatida ko‘rishadi, endi qo‘rquv uyg‘otmaymiz”, — dedi Braziliya milliy jamoasi va “Barselona”ning sobiq yarim himoyachisi.
Ma’lumot uchun, Rivaldo 2008—2010-yillarda Toshkentning “Bunyodkor” safida o‘ynagan. 61 ta o‘yinda maydonga tushgan hujumchi 37 bor raqiblar darvozasiga yo‘l topgan.
Izoh (0)