OFK Jahon chempionati saralashining ikki tur o‘yinlari taqvimini e’lon qildi

Osiyo futbol konfederatsiyasi Jahon chempionati—2026 3-saralash bosqichining dastlabki ikki turidan o‘rin olgan o‘yinlar taqvimini e’lon qildi.

Unga ko‘ra O‘zbekiston terma jamoasi Shimoliy Koreya bilan bahsni 5-sentyabr kuni “Bunyodkor” stadionida o‘tkazadi. O‘yin 19:00 da bo‘lib o‘tishi rejalashtirilgan. 

Ikkinchi turdan o‘rin olgan Qirg‘iziston bilan bahs Bishkekda bo‘lib o‘tadi. Ushbu o‘yin 10-sentyabr, 20:00 da boshlanadi. 

Ma’lumot uchun, O‘zbekiston terma jamoasi 3-bosqich saralashida A guruhidan joy oldi. Guruhda Qatar, BAA, Qirg‘iziston, Eron va Shimoliy Koreya terma jamoalari ham Jahon chempionati yo‘llanmasi uchun kurash olib boradi.