Raqobatni rivojlantirish va isteʼmolchilar huquqlarini himoya qilish qo‘mitasi Jizzax viloyati tuman hokimliklarining raqobatga zid qarorlarini bekor qildi.
Qayd etilishicha, qo‘mitaning Jizzax viloyati hududiy boshqarmasi tomonidan 2024-yilning birinchi yarmi mobaynida 10 ta tuman hokimliklari va 9 ta mahalliy davlat boshqaruvi organlarida “Raqobat to‘g‘risida”gi qonun talablari ijrosi yuzasidan jami 38 925 ta huquqiy-normativ hujjatlar xatlovdan o‘tkazilgan.
Shundan jami 124 ta, yaʼni 78 ta qaror, 32 ta farmoyish, 14 ta chiqish xatlarini qabul qilishdaqonun talablari buzilishi holatlariga yo‘l qo‘yilgani aniqlangan.
Jumladan, Baxmal, Do‘stlik, Zafarobod, Mirzacho‘l, Forish tumanlari hokimlarining turli qaror va farmoyishlari bekor qilingan. Yettita tuman hokimligiga qonun buzilish holatlarini to‘xtatish va kelgusida bunday holatga yo‘l qo‘ymaslik yuzasidan taqdimnomalar kiritilgan.
Eslatib o‘tamiz, yanvar oyida Toshkent shahrida faoliyat yurituvchi tuman va shahar hokimlari, shuningdek, Toshkent shahar hokimining 60 ta qarori sudda haqiqiy emas deb topilgani to‘g‘risida xabar berilgandi.
Izoh (0)