Namanganlik muxlislar ishonchi, Baqoyev shogirdlarining qarshiligi va chorak finalga yo‘llanma. “Navbahor” va “Buxoro” o‘yinidan fotogalereya

Futbol bo‘yicha O‘zbekiston kubogining 1/8 finalidan o‘rin olgan bahsda Namanganning “Navbahor” klubi “Buxoro” jamoasini qabul qildi. Ushbu o‘yinni 7 ming nafardan ortiq muxlislar kuzatib bordi.

“Lochinlar” raqibi Pro liga vakili bo‘lsa-da, buxoroliklar mazkur liga 1-davrasini peshqadam sifatida yakunlagan, O‘zbekiston kubogi guruh bahslarida esa OKMKni guruhda qoldirib, “pley-off” bosqichiga yo‘l olgandi. Namangandagi o‘yinda ham Ulug‘bek Baqoyev shogirdlari mezbonlarga munosib qarshilik ko‘rsatdi.

Uchrashuvning birinchi bo‘limiga hakam tomonidan qo‘shib berilgan daqiqalarda “lochinlar” hisobni ochishga muvaffaq bo‘ldi. Filip Ivanovich ikkinchi urinishda darvozani aniq nishonga olib, “Navbahor” tanaffusga 1:0 hisobidagi ustunlik bilan chiqib ketishini taʼminladi.

Ushbu hisob o‘yin tugagunga qadar o‘zgarmadi va bosh murabbiysiz qolgan namanganliklar chorak final yo‘llanmasini qo‘lga kiritdi.

“Daryo” ushbu o‘yindan fotogalereya tayyorladi.