Turkiyada juda tez chiqadigan ko‘plab teleseriallar mavjudki, ularning barchasini “yangi” va “eski” deb kuzatib borishning iloji yo‘q. Agar o‘zingizni dizi muxlisi deb hisoblasangiz, albatta ko‘rishingiz kerak bo‘lgan seriallar bilan tanishishni boshlaymiz.
“Sevgi iztirobi”
- 2015-2017
- Janr: melodrama
- Rejissyorlar: Hilol Saral, Ekin Pandir
- Mualliflar: Anil Eke, Burju Go‘rgun Toptas, O‘zlem Yilmaz
- Rollarda: Burak O‘zchivit, Neslihan Atagul, Kaan Urganjio‘g‘lu, Kurrsat Alnyajik, Orxan Guner, Neshe Baykent, Zeyno Erajar va boshqalar.
Kamol va Nihonning sevgi hikoyasi o‘z syujetiga ko‘proq drama qo‘shmoqchi bo‘lgan ssenariy mualliflari uchun yo‘l ko‘rsatuvchi nur bo‘ldi. Bosh qahramon qiz kambag‘al oiladan bo‘lgan Kamol ismli yigitni sevadi, lekin uni zolim va makkor Amirga turmushga berishadi. Bir muncha vaqt o‘tgach, sevishganlar yana uchrashib, his-tuyg‘ulari hali ham kuchli ekanini tushunishadi. Ammo ular sof muhabbatini dunyoda hukm surayotgan shafqatsizlik va adolatsizlikdan qutqara oladimi?
“Taqiqlangan sevgi”
- 2008-2010
- Janr: drama, melodrama
- Rejissyorlar: Hilol Saral, Mesude Erarslan
- Muallif: Ece Yorenj, Melek Genjo‘g‘lu
- Rollarda: Beren Saat, Kivanch Tatlitug‘, Selchuk Yontem, Nebahat Chehre, Hazal Kaya va boshqalar.
Beren Saat va Kivanch Tatlitug‘ ishtirokida yana bir “klassik loyiha”. Syujetda yosh, go‘zal, ammo bechora qiz Bixterning taqdiri haqida so‘z boradi. U hayotini o‘zgartirish imkoniyatiga ega bo‘ladi va buning uchun qari, ammo badavlat Adnanga turmushga chiqishi kerak. Erkakning oldingi nikohdan ikki farzandi, shuningdek, ota-onasi vafotidan keyin tarbiyasini o‘z zimmasiga olgan jiyani Behlul bor. Behlul va Bixter bir-birlarini sevib qoladi, lekin bu tuyg‘u butunlay taqiqlangan.
“Chuqur”
- 2017-2021
- Janr: jangari, drama va jinoiy triller
- Rejissyorlar: Sinan O‘zturk, O‘zgur Sevimli
- Muallif: Gokhan Horzum, Damla Serim
- Rollarda: Aras Bulut Iynemli, Erkan Kolchak Ko‘stendil, Riza Kojao‘g‘lu, Dilan Chichek Deniz, Jem Uslu, Ertug‘rul Aytach Usun va boshqalar.
Sevgi, tanlov, to‘siqlarni yengish va xavfli munosabatlar — bularning barchasi Istanbulning tumanlaridan biri bo‘lgan “Chuqur” serialida. Aras Bulut Iynemlining qahramoni nafaqat sevgisi uchun kurashishi, balki juda og‘ir vaziyatga tushib qolgan oilani qutqarishi kerak bo‘ladi.
“To‘rg‘ay”
- 2018-2019
- Janr: komediya, drama, melodrama
- Rejissyorlar: Chag‘ri Bayrak, Aytach Chichek
- Yozuvchilar: Yeshim Chitak, Ayse Kutlu, Banu Zengin Tak va boshqalar
- Rollarda: Demet O‘zdemir, Jan Yaman, O‘znur Serjeler, Berat Enilmez, O‘zlem To‘kaslan va boshqalar.
Demet O‘zdemir va Jan Yaman ishtirokidagi komediya. Xayolparast Sanem qo‘shnisining o‘g‘liga turmushga chiqmoqchi emas, buning uchun u hatto ofisda ishlashga ham tayyor. Chunki u oq otdagi shahzodasini kutmoqda. U qanchalik yaqinida ekanini bilmaydi ham.
“Oila”
- 2023-2024
- Janr: drama, jinoiy, melodrama
- Rejissyor: Ahmet Katiksiz
- Ssenariy muallifi: Hakan Bonomo
- Rollarda: Kivanch Tatlitug‘, Serenay Sarikaya, Nur Surer, Nejat Ishler, Janan Erguder, Levent Yulgen, Tamer Ayjit va boshqalar.
Serenay Sarikaya va Kivanch Tatlitug‘ ishtirokidagi yangi, ammo ajoyib film. Serialda uchraydigan barcha unsurlar mazkur dizida mujassam — mafiya, muammoga duch kelgan bosh qahramonlar va ularning og‘riqli sevgisi. Qaynona bilan bog‘liq muammolar ham bor, chunki Xulya jinoiy to‘daning malikasi bo‘lib, u bor kuchi bilan o‘g‘li Aslanni o‘z vorisi bo‘lishga majburlamoqchi.
“Choliqushi”
- 1986
- Janr: drama
- Rejissyor: Usmon F. Seden
- Ssenariy muallifi: Rashod Nuri Guntekin
- Rollarda: Aydan Shener, Kenan Kalav, Sadri Alysik, Zafer Ergin, Tilbe Saran, Hayati Hamzao‘g‘lu, Tomris O‘g‘uzalp va boshqalar.
Ha, aynan 1986-yilgi serialni tomosha qilishni tavsiya qilamiz. Afsuski, Burak va Faxriye juftligi Aydan Shener va Kenan Kalavning muvaffaqiyatini takrorlay olmagan. 80-yillarda mazkur film butun dunyo bo‘ylab tomosha qilingan. Bundan tashqari, u kinoteatrlarda ham namoyish etilgan.
“Layli va Majnun”
- 2011-2023
- Janr: fantastika, drama, melodrama, komediya, detektiv, sarguzasht
- Rejissyorlar: O‘nur Unlu, Eyup Boz, Murat O‘nbul va boshqalar
- Yozuvchilar: Burak Aksak, Mert Tolga Demir va boshqalar
- Rollarda: Ali Atay, Serkan Keskin, Usmon Sonant, Ahmet Mumtaz Taylan, Chengiz Bozkurt, Keksal Engyur va boshqalar.
Eng uzoq davom etgan turk seriallaridan biri “Layli va Majnun” yetti fasldan keyin ham o‘z ahamiyatini yo‘qotgani yo‘q. Syujet Layli va Majnunning fojiali muhabbati haqidagi afsonaga asoslangan, ammo zamonaviy talqinda. Shunisi e’tiborga loyiqki, loyiha Turkiyada mashhur bo‘ldi, ammo chet elda u qadar muvaffaqiyat qozonolmadi.
Bir necha yil avval tug‘uruqxonada bir kunda bir o‘g‘il va bir qiz dunyoga keladi. Doya ularni bitta belanchakka solib qo‘yadi, baxtli otalar esa chaqaloqlarga mashhur afsonaning qahramonlari nomini berishga qaror qiladi. Boz ustiga, kelajakda Layli bilan Majnunning oila qurishi haqida bir-birlariga so‘z berishadi.
“Zolim Istanbul”
- 2019-2020
- Janr: drama
- Rejissyorlar: Jevdet Merjan, Shenol So‘nmez, Go‘kchen Usta
- Mualliflar: Aysun Erdo‘g‘an, O‘zlem Tasagal Yakichi va boshqalar
- Rollarda: Fikret Kuskan, Deniz Ugur, O‘zan Dolunay, Sera Kutlubey, Mine Tugay, Berker Guven va boshqalar.
“Zolim Istanbul” seriali “Taqiqlangan sevgi”ning kayfiyatini yaqqol ko‘rsatib beradi. To‘g‘ri, bu yerda kambag‘al qiz keksa boyga emas, uning jiyaniga turmushga chiqadi. Hech qanday darddan xabari yo‘q Ogah Karachayning ko‘ngliga faqat nogironlik aravachasiga o‘tirgan jiyani Nedim soya soladi. Aynan shu sababli erkak unga g‘amxo‘rlik qilish mas’uliyatini zimmasiga olishi uchun uni uylantirishga qaror qiladi. Ammo boyning o‘g‘li Jenk uyga qaytgach, ulkan rejalar barbod bo‘ladi.
“Ijaraga sevgi”
- 2015-2017
- Janr: komediya, melodrama
- Rejissyorlar: Shenol So‘nmez, Barish Yosh, Metin Baleko‘g‘lu
- Mualliflar: Merich Ajemi, Ilker Barish
- Rollarda: Elchin Sangu, Barish Arduch, Solih Bademji, Nergis Kumbasar, Levent Yulgen, Kerem Firtina va boshqalar.
Oddiy ofitsiant akasini qarzdan qutqarish uchun nikoh firibgarligida qatnashishga rozi bo‘ladi. Lekin o‘zi sezmagan holda qattiqqo‘l va qaysar dizayner O‘merni sevib qoladi.
Izoh (0)