Turkiyalik taniqli aktyor, o‘zbek tomoshabinlariga “Muhtasham yuz yil” serialidagi shahzoda Jahongir obrazi bilan yaxshi tanish Tolga Saritash besh yillik muhabbati bilan turmush qurdi. Bu haqda turk OAV xabar berdi.
Tolga Saritash besh yillik munosabatlardan so‘ng Zeynep Mayruk bilan hayot yo‘lini bog‘ladi. 33 yoshli aktyor va 35 yoshli Zeynepning nikoh to‘yi Cheshme yarim orolida o‘tkazildi. Aktyor sevgilisiga 14-fevral Sevishganlar kunida turmush qurishni taklif qilgan hamda do‘stlari davrasida nishonlashgan.
Nikoh marosimiga turk kinosi yulduzlari Engin Akyurek, Sarp Akkaya, Sinem Akkaya, O‘zgur Chevik, Xadiche Karto‘g‘lu, Alina Boz, Umut Evirgen, Melis Birkan va boshqa ko‘plab mashhur insonlar tashrif buyurdi.
Zeynep Mayruk 1989-yili Izmirda tug‘ilgan. Moda bo‘yicha xorijda tahsil olgan. Dizaynerlikka bo‘lgan qiziqishi bois, turli xil darslarni olgan. 2013-yildan boshlab o‘z brendiga asos solgan.11 yildan beri Zeynep Mayruk brendi ostida faoliyat yuritadi.
Tolga Sarıtash Turkiyaning eng mashhur aktyorlaridan biridir. U Istanbulda tug‘ilgan. Kino olamida karyerasini 2009-yili “Baxti qora” filmidan boshlagan va “Muhtasham yuz yil” filmida shahzoda Jahongir rolini o‘ynagan.
Bundan tashqari, “Quyosh qizlari” filmida Ali Merto‘g‘lu obrazini gavdalantirib, tomoshabinlar eʼtiboriga sazovor bo‘ladi. 2017— 2019-yillar orasida “So‘z” filmidagi ijrosi orqali 46-Xalqaro Emmi mukofotini “Eng yaxshi aktyor” nominatsiyada qo‘lga kiritadi.
Izoh (0)