AQSH sobiq rahbari Donald Tramp 2023-yil prezidentlik saylovlariga aralashish ishi bo‘yicha ayblanuvchi sifatida saqlanayotgan Fulton okrugidagi qamoqxonada qiynoqqa solinganini aytdi. Bu haqda Washington Times xabar berdi.
Tramp saylovoldi kampaniyasida mablag‘ yig‘ish bo‘yicha elektron pochta xabarida bu haqda ma’lumot bergan.
Menga nima qilishganini eslab qolishingizni istayman. Ular meni Fulton okrugidagi qamoqxonada qiynoqqa solishdi va o‘zlarining kartotekalari uchun suratga olishdi, — dedi sobiq prezident.
AQSH sobiq prezidenti 2023-yil ikki marta hibsga olingan. Birinchisi 2023-yil aprel oyida Manxetten okrugi prokuraturasida sud majlisi boshlanishidan oldin sodir bo‘lgan, u 34 ta punkt bo‘yicha jinoiy javobgarlikka tortilishi kerak edi. Qo‘shma Shtatlar uchun ayblovdan oldin hibsga olish tartibi standart hisoblanadi. Sud majlisidan so‘ng Tramp o‘z arizasi bilan qo‘yib yuborilgan.
Donald Tramp o‘tgan yilning avgust oyida ikkinchi marta hibsga olingan. U Fulton okrugi (Jorjiya shtati) qamoqxonasida prezidentlik saylovlariga aralashganlikda ayblanib, sud jarayoni oldidan ushlab turilgan. Siyosatchi hibsxonada bor-yo‘g‘i 20 daqiqa qolgan, o‘shanda politsiya uning qamoqxonadagi ilk fotosuratini (magshot) olgan.
Bundan tashqari, sobiq davlat rahbari P01135809 raqami bilan qamoqxona reyestriga kiritilgan va jazoni ijro etish muassasasi saytida uning maʼlumotlari aks etgan yozuv paydo bo‘lgan. Qamoqxonada qolgach, Tramp o‘z his-tuyg‘ulari bilan o‘rtoqlashgan va ularni yoqimsiz deb atagan.
“Bu yoqimsiz tuyg‘u, ayniqsa, siz hech qanday ish qilmaganingizda”, — degan AQSH sobiq prezidenti.
U 200 ming dollar garov evaziga qamoqdan ozod etilgan.
Izoh (0)