Sinoptiklar Qozog‘istonda 25, 26 va 27-iyun kunlari ob-havo qanday bo‘lishi haqida prognoz e’lon qildi. Bu haqda Tengrinews xabar berdi.
Respublikaga yaqin kunlarda Eron viloyatlaridan issiq havo massalari kirib kela boshlaydi. 25—26-iyun kunlari respublikaning g‘arbiy va shimoliy hududlarida yomg‘ir, ayrim tumanlarda kuchli yomg‘ir yog‘ishi kutilayotganiga qaramay, 27-iyunga qadar jazirama respublika shimoliga ham yetib boradi.
“Qozog‘iston shimolida kunduzi havo harorati +35...+38 darajagacha, janubda esa o‘ta kuchli jazirama +40...+46 darajagacha ko‘tarilishi kutilmoqda”, — deyiladi xabarda.
24-iyun kuni tushdan keyin Abay, Jetisu viloyatlari, Olmaota, Jambil, Pavlodar, Sharqiy Qozog‘iston viloyatlari hamda Qarag‘anda viloyatining janubida ham kuchli jazirama saqlanib qoladi. Ma’lumot uchun, O‘zbekistonda shu hafta havo harorati 41 darajagacha ko‘tarilishi kutilmoqda.
Izoh (0)