Kinoijodkorlar ko‘pincha yangi kartina originalidek mashhur bo‘ladi degan umidda kult filmlarning remeyklarini chiqaradilar. Quyida ekranda turli aktyorlar tomonidan gavdalantirilgan va har biri obrazga o‘zgacha jihatlarni olib kirgan bir nechta qahramonlar haqida ma’lumot beramiz.
Koko Shanel
Kino ijodkorlar moda imperiyasini qurgan zamonaviy Koko Shanel haqida hikoya qilishni yaxshi ko‘radi. “Kichik qora libos” yaratuvchisi haqida ko‘plab filmlar mavjud. Ular orasida Odri Tatu bosh qahramon rolini o‘ynagan “Kokodan Shanelgacha”, bosh rolda Anna Muglalis ishtirokidagi “Koko Shanel va Igor Stravinskiy” filmlari alohida ajralib turadi.
Yaqinda mashhur kutyure hayoti haqida “New Look: uslublar inqilobi” seriali chiqdi, unda Kokoni Juliet Binosh o‘ynadi. Juliet, tanqidchilarning fikriga ko‘ra, dizayner roli uchun ideal tushgan, serial ham har qanday maqtovga arziydi.
Napoleon Bonapart
Internetdagi eng yaxshi Napoleon “Vaterlou” filmidagi Rod Shtayger hisoblanadi. Ikkinchi o‘rinda komediya yulduzi Kristian Klaviyer turibdi, uni tomoshabinlar “betakror” Bonapart deb atashgan.
Xoakin Feniks ishtirokidagi yangi film unchalik ishtiyoq tug‘dirmadi. Tomoshabinlar aktyorni yomon o‘ynagan deb hisoblashadi. Filmning o‘zi Rotten Tomatoes bo‘yicha juda past reytingga ega.
Emma Morli (“Bir kun”)
Enn Xeteuey ishtirokidagi “Bir kun” filmini klassik romantik komediya deyish mumkin. Biroq 2024-yilda filmning remeyki serial shaklida chiqarildi, u tomoshabinlar olqishiga sazovor bo‘ldi, natijada reytingda originalidan o‘zib ketdi.
Shon Myorfi (“Yaxshi shifokor”)
Freddi Xaymor ishtirokidagi “Yaxshi shifokor” seriali Chu Von ishtirokidagi Janubiy Koreya dramasining remeyki ekanligini ko‘pchilik bilmaydi. Film to‘rtta mamlakatda qayta ishlangan va har bir aktyor qahramon xarakteriga o‘zgachalik qo‘shgan.
Ammo ba’zi tomoshabinlar original film G‘arbnikidan deyarli yuz baravar yaxshi deb hisoblashadi. Amerika versiyasidagi qahramonlar, ularning fikriga ko‘ra, qo‘pol chiqqan.
Albert Eynshteyn
Tomoshabinlar “Oppengeymer”ning ijodkorlari ikkinchi darajali qahramonlarni to‘g‘ri tanlashganiga ishonishadi. Ular orasida Tom Konti o‘ynagan Albert Eynshteyn ham bor. 2018-yilda 8,2 ball to‘plagan “Daho” serialida Jeffri Rush ham fizik olim rolini o‘ynagan.
Yuliy Sezar
Yuliy Sezar eng mashhur tarixiy shaxslardan biri bo‘lib, u filmlarda bir necha bor tasvirlangan. “Kleopatra” (1963) filmida bu rolni Reks Xarrison ijro etgan, uning ijrosi tomoshabinlar va tanqidchilar tomonidan yuqori baholangan.
Jeremi Sisto Rim qo‘mondoni obrazini yanada dramatik tarzda o‘zida mujassam etgan va tomoshabinlar uni bir ovozdan juda iste’dodli deb hisoblashgan. Ammo “Asteriks va Obeliks: Kleopatra missiyasi” filmidan Alen Shaba ro‘yxatning oxirida joylashgan.
Robert Oppengeymer
2023-yilda “Oppengeymer” filmi chiqdi. Film yettita “Oskar” mukofotiga sazovor bo‘ldi, jumladan, Killian Myorfiga “Eng yaxshi aktyor” nominatsiyasida haykalcha berildi. Robert Oppengeymerni ilgari boshqa aktyorlar, masalan, “Soya yaratuvchilar” filmida Duayt Shults ijro etganini ko‘pchilik bilmaydi.
Filipp Marlou
Shaxsiy detektiv Filipp Marlouning hikoyasi bir necha marta suratga olingan. Bu qahramonning eng esda qolarli rollaridan biri “Bu qotillik, azizim” filmidagi Dik Pauell edi.
Yaqinda “Marlou” filmi ekranlarga chiqdi, unda bosh qahramonni Liam Nison ijro etdi, ammo film past baholandi.
Gerakl
Ba'zi tomoshabinlar fikriga ko‘ra, taniqli Gerakl — “Geraklning ajoyib sayohatlari” serialida bosh rolni Kevin Sorbo o‘ynagan. Dueyn Jonson ishtirokidagi film tanqidchilar tomonidan turli baholarga sazovor bo'ldi, ammo aktyorning ijrosi uning xarizmasi tufayli ijobiy baholandi.
2014-yilda “Gerkules: Afsonaning boshlanishi” filmi chiqdi, unda bosh rolni “Sumerki” yulduzi Kellan Lats o‘ynaydi. Ammo uning ijrosi tomoshabinlarga yoqmagan.
Izoh (0)