“Dinamo” klubi 2 yildan so‘ng ilk bor Superliga doirasidagi o‘yinni Samarqandda qabul qiladi.
PFL test tariqasida Superliganing bitta o‘yini “Dinamo” stadionida o‘tishini e’lon qildi:
“‘Dinamo’ maydoni futbol uchrashuvlarini qabul qilish uchun tayyor. Chim, uning ostidagi drenaj va sug‘orish tizimlari bilan bog‘liq muammo bartaraf etilgan bo‘lib, endilikda uni amalda sinab ko‘rish lozim.
Avvalroq ‘Dinamo’ Superliga uchrashuvlaridan birini o‘tkazish taklifi bilan chiqqan bo‘lib, Liga o‘rganishlar xulosasi asosida qator kamchiliklarni aniqlagan hamda taklif rad etilgandi. Shundan keyin ayrim masalalarda ijobiy o‘zgarishlar yuz berdi. Mana shu jihatni inobatga olib, Superliga 12-turidan o‘rin olgan ‘Dinamo’ — ‘Andijon’ uchrashuvini Samarqand shahrida o‘tkazish maqsadga muvofiq deb topildi.
Superliga 12-turidan o‘rin olgan ‘Dinamo’ — ‘Andijon’ uchrashuvi 22-iyun kuni test tariqasida Samarqand shahrida o‘tkaziladi. ‘Dinamo’ stadioni bilan bog‘liq kelgusi rejalarga roppa-rosa bir oydan keyin aniqlik kiritiladi”.
Samarqandning “Dinamo” jamoasi joriy mavsum Superligada ortda qolgan 11 turdan so‘ng 13 ochko bilan 8-o‘rinni egallab turibdi.
Izoh (0)