Mazkur filmlarning ayrimlari nafaqat kayfiyatingizni ko‘taradi, balki yoshligingizning bir bo‘lagini yodingizga soladi.
“Yaxshi yigitlar” (2016)
- Janr: kriminal, komediya, jangari
- Rejissyor: Sheyn Blek
- Rollarda: Rayan Gosling, Kim Beysinger, Rassell Krou, Anguri Rays, Mett Bomer
Rayan Gosling va Rassell Krou 70-yillarda Los-Anjelesda g‘oyib bo‘lgan mashhur yulduz Misti Mauntinsni topishga harakat qilayotgan shaxsiy detektiv rolini o‘ynaydi.
“Ta’tillar almashganda”(2006)
- Janr: melodrama, komediya
- Rejissyor: Nensi Meyers
- Rollarda: Kameron Dias, Keyt Uinslet, Jud Lou, Jek Blek, Eli Uollak
Turli qit’alardan va butunlay boshqacha hayotga ega bo‘lgan, lekin romantik masalalarda juda o‘xshash muammolarga ega bo‘lgan ikki qiz tasodifan internet orqali tanishib, Rojdestvo arafasida uy almashishga qaror qilishadi. G‘oya ikkalasi uchun ham kutilmagan syujetga aylanadi: g‘amgin va kundalik muammolardan dam olishga umid qilgan qahramonlar nihoyat o‘z baxtlarini topadi. Mo‘jizaga ishonish nima ekanligini allaqachon unutganlar uchun yaxshi film.
“Brijit Jonsning kundaligi” (2001)
- Janr: komediya, melodrama, drama
- Rejissyor: Sheron Maguayr
- Rollarda: Rene Zellveger, Kolin Fert, Xyu Grant, Jim Broadbent, Jemma Jons
Brijit Jons (Rene Zellveger) yolg‘iz yashaydigan, ishida muammolari ko‘p, sigaret va spirtli ichimliklarga qaram, ortiqcha vaznli jurnalist. Shaxsiy hayoti ham havas qilarli darajada emas. Yangi yil qarori sifatida Brijit hayotini nazorat qilishni o‘z zimmasiga olishga qaror qiladi va u har doim haqiqatni yozib boradigan kundalik tutishdan boshlaydi. To‘satdan uning kelishgan boshlig‘i (Xyu Grant) qizga e’tibor qaratadi, lekin advokat (Kolin Fert) doim uning yo‘liga to‘g‘onoq bo‘laveradi. Ayol bo‘lish ba’zan qiyin va ayni paytda yoqimli ekanligi haqidagi juda samimiy komediya.
“Jentlmenlar” (2019)
- Janr: jinoiy, komediya, jangari
- Rejissyor: Gay Richi
- Rollarda: Metyu Makkonahi, Charli Xunnam, Genri Golding, Xyu Grant, Mishel Dokeri
Britaniyalik rejissyor Gay Richining o‘n birinchi badiiy filmi. Filmda bosh rollarni Metyu Makkonahi, Charli Xunnam, Genri Golding, Mishel Dokeri, Jeremi Strong, Eddi Marsan, Kolin Farrel va Xyu Grant ijro etgan. Film Angliyada o‘z biznesini yo‘lga qo‘ymoqchi bo‘lgan amerikalik ulgurji kannabis sotuvchisining jinoiy sxemalari haqida hikoya qiladi.
“Qochoq kelin” (1999)
- Janr: melodrama, komediya
- Rejissyor: Garri Marshall
- Rollarda: Juliya Roberts, Richard Gir, Gektor Elizondo, Rita Uilson
Garri Marshallning Juliya Roberts va Richard Gir o‘ynagan “Qochoq kelin” filmi kassada muvaffaqiyatga erisha olmasa ham ko‘plab tomoshabinlar qalbidan joy olgan. Bosh qahramonning g‘alati hobbisi bor: to‘ylardan qochish. Uning bu sevimli mashg‘uloti jurnalist yigitni qiziqtirib qo‘yadi va u qochoq kelinni qidirishga tushadi.
“Dogma” (1999)
- Janr: fantastika, drama, komediya, sarguzasht
- Rejissyor: Kevin Smit
- Rollarda: Ben Afflek, Mett Deymon, Linda Fiorentino, Salma Xayek, Jeyson Li
Filmda katolik cherkovi satira ostiga olingani uchun baʼzi mamlakatlarda taqiqlangan, film rejissori Kevin Smit esa bir necha tahdid xatlari olgan. Film jannatdan quvilgan ikki farishta (Bartlbi va Loki) sarguzashtlari, ularning yana jannatga qaytish uchun qiladigan harakatlari haqida hikoya qiladi.
“Qoidalar yoki qoidalarsiz sevgi” (2003)
- Janr: drama, melodrama, komediya
- Rejissyor: Nensi Meyers
- Rollarda: Jek Nikolson, Dayan Kiton, Kianu Rivz, Frensis MakDormand, Amanda Pit
“Ota-onalar uchun tuzoq” va “Ta’tillar almashganda” rejissyori Nensi Meyersning yana bir ajoyib komediyasi. Filmda afsonaviy Jek Nikolson, Amanda Pit va Kianu Rivz ishtirok etgan. Faqat 30 yoshgacha bo‘lganlar bilan uchrashishni ma’qul ko‘radigan keksa bo‘ydoq o‘z ma’shuqasining onasi, yozuvchi Erika bilan tanishib qoladi va u butun umrini birga o‘tkazishni xohlagan ayol ekanligini tushunadi.
“Barbi” (2023)
- Janr: komediya, sarguzasht, fantaziya
- Rejissyor: Greta Gervig
- Rollarda: Margo Robbi, Rayan Gosling, Amerika Ferrera, Ariana Grinblatt, Keyt MakKinnon
Margo Robbi va Rayan Gosling ishtirokidagi sarguzashtli komediya. Hikoyada Barbi ajoyib Barbilendda yashaydi, u yerda kiyim almashtirishdan, ziyofatlar uyushtirishdan va doimo zavqlanishdan boshqa hech narsa qilmaydi. Bir kuni qahramon o‘lim haqidagi o‘ylab qoladi va uning baland poshnali tufliga moslashtirilgan oyoqlari birdan tekis bo‘lib qoladi. Nima bo‘layotganini tushunish va eski plastik dunyoga qaytish uchun Barbi haqiqatga yetishi, o‘z egasini topishi kerak.
Izoh (0)