Ukraina Rossiya bilan urushda g‘alaba qozonishi uchun G‘arb davlatlarining yordami hali etarli emas.
Bu haqda Ukraina prezidenti Vladimir Zelenskiy Shveysariyadagi tinchlik sammiti yakunlari bo‘yicha o‘tkazilgan matbuot anjumanida maʼlum qilgan.
“G‘arbdan yordam bor. Jiddiy paketlar bor. G‘alaba qozonish uchun yetarlimi? Yo‘q”, — dedi u.
Zelenskiy yordam kechikayotganini ham taʼkidladi.
“Ushbu paketlar kuchaytiriladimi? Bu borada har kuni ish olib bormoqdamiz”, — deya qo‘shimcha qildi Ukraina prezidenti.
Avvalroq Norvegiya hukumati Ukraina energetika tizimini taʼmirlash uchun 100 mln dollar ajratishi maʼlum qilingandi.
Izoh (0)