Amerika Savdo Palatasi (AmCham) USAID bilan hamkorlikda Future Growth Initiative (FGI) loyihasi doirasida va Beeline Uzbekistan ko‘magida Markaziy Osiyodagi yosh qizlar uchun noyob mentorlik dasturini ishga tushirdi. Ushbu dastur turli universitetlarning 2-4 kurs talaba qizlarning kasbiy va shaxsiy ko‘nikmalarini rivojlantirishga qaratilgan.
Dasturda ishtirok etish uchun 10 ta universitetdan talaba qizlardan 81 ta ariza kelib tushgan bo‘lib, ulardan 32 nafari saralash bosqichidan muvaffaqiyatli o‘tib, ishtirokchilar qatoriga kiritildi. 6 oy davomida ular AQSh, Buyuk Britaniya, Hindiston, Turkiya, BAA, O‘zbekiston, Qozog‘iston va Qirg‘izistonlik C-Level boshqaruvchilari, akademik hamjamiyat va biznes vakillaridan iborat 20 nafar mentorlar murabbiylik qilishadi va ta’lim berishadi.
Dastur 5-10 ta shaxsiy sessiya, yetakchi mutaxassislar ishtirokida turli ko‘nikmalarni rivojlantirish bo‘yicha 6 ta guruh maʼruzalari hamda yirik xalqaro va mahalliy kompaniyalarga, jumladan, Beeline Uzbekistan’ga 6 ta tashrifni o‘z ichiga oladi. Ushbu tashriflar ishtirokchilarga ilg‘or tajribalarni ko‘rish va o‘zlarining kasbiy rivojlanishi uchun ilhom olish imkonini beradi.
Alohida e'tibor “vorkshop”larga qaratiladi, ulardan 8 tasini AmCham mehnat resurslari qo‘mitasi raisi va Beeline Uzbekistan Chief People Officer Sofiya Gaynutdinova, shuningdek kadrlarni tayyorlash va iste'dodlarni rivojlantirish bo‘limi boshlig‘i Janna Xaydarova olib borishadi. Ularning hissasi qizlarga shaxsiy brend yaratish, taqdimotlar tayyorlash, maqsadlarni belgilash, notiqlik mahorati va muvaffaqiyatli karyera uchun zarur bo‘lgan boshqa ko‘p narsalar bo‘yicha qimmatli bilim olishga yordam beradi.
“Beeline Uzbekistan’da biz yosh avlod rivojiga kiritilgan sarmoyalar — mamlakatimiz kelajagiga kiritilgan sarmoya, deb hisoblaymiz. Shuning uchun biz qizlarga tajribali murabbiylardan ilm olish, o‘z ko‘nikmalarini rivojlantirishga imkon beruvchi mentorlik dasturini qo‘llab-quvvatlashdan juda mamnunmiz. Ishonchimiz komilki, ushbu iqtidorli ishtirokchi qizlar mamlakatimiz rivojiga salmoqli hissa qo‘sha olishadi”, — deya ulashadi Beeline Uzbekistan xodimlarni boshqarish, tashkiliy rivojlanish va ma’muriy qo‘llab-quvvatlash bo‘limi direktori Sofiya Gaynutdinova.
***
“Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahrida (Niderlandiya) joylashgan VEON xalqaro telekommunikatsiya xoldingi tarkibiga kiradi
VEON 6 jadal rivojlanib borayotgan mamlakatda 160 milliondan ziyod foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.
Beeline Uzbekistan’da 1.9 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSH dollaridan ortiq sarmoya kiritdi. “Unitel” MChJ — O‘zbekistonning yirik soliq to‘lovchi kompaniyalaridan biri. Beeline SB’ning O‘zbekistondagi faoliyati davomida 2 milliard dollarga yaqin soliq to‘langan.
- Sayt: beeline.uz
- Facebook: fb.com/beeline.uz
- Instagram: @beeline_uzbekistan
- Telegram: t.me/beelineuzbekistan
- Twitter: twitter.com/beeline_uz
- LinkedIn: @beeline-uzbekistan
Reklama huquqi asosida.
Izoh (0)