WBA reytingi yangilandi. Hasanboy Do‘stmatov, Shahram G‘iyosov va Bektemir Meliqo‘ziyev — yetakchi. Isroil Madrimov — chempion

Butunjahon boks assotsiatsiyasi (WBA) may oyi yakunlariga ko‘ra yangilangan reytingni eʼlon qildi.

Reytingdan 8 nafar o‘zbekistonlik bokschi o‘rin olgan bo‘lib, ularning 3 nafari o‘z vaznlarida 1-o‘rinni egallab turibdi. Isroil Madrimov esa super yarim o‘rta vazn chempioni hisoblanadi. Ushbu oyda faqatgina Muhammad Shexov bir pog‘ona yuqoriladi.

May oyida yangilangan reyting quyidagicha ko‘rinish oldi:

• Hasanboy Do‘stmatov - (minimal vazn) 1-o‘rin (o‘tgan oyda ham 1-o‘rin edi);
• Murodjon Ahmadaliyev (birinchi yarim yengil vazn) - o‘tgan oydagi singari 1-o‘rin;
• Muhammad Shexov (birinchi yarim yengil vazn) - 10-o‘rin (o‘tgan oyda 9-o‘rin edi);
• Otabek Xolmatov (yarim yengil vazn) - 4-o‘rin (o‘tgan oyda ham 4-o‘rin edi);
• Botir Ahmedov (super yengil vazn) - 10-o‘rin (o‘tgan oy 9-o‘rinda edi);
• Shahram G‘iyosov (yarimo‘rta vazn) - o‘tgan oydagi singari 1-o‘rin;
• Isroil Madrimov (super yarim o‘rta vazn) - vazn chempioni;
• Bektemir Meliqo‘ziyev (super o‘rta vazn) - 4-o‘rin (o‘tgan oy ham 4-o‘rinda edi).

Ma’lumot uchun, 3-avgust kuni Terens super yarim o‘rta vazn toifasida WBA kamari sohibi, o‘zbekistonlik Isroil Madrimovga qarshi jang qiladi. Ular o‘rtasidagi qarama-qarshilik Los-Anjelesda bo‘lib o‘tadi. 

Professional boksda mag‘lubiyatsiz harakat qilayotgan Shahram G‘iyosov navbatdagi jangini 3-avgust kuni Madrimov jang qiladigan arenada o‘tkazishini ma’lum qilgan edi.