“Uddalab bo‘lmas topshiriq” franshizasi yulduzi Tom Kruz har tomonlama iste’dodli aktyordir. U murakkab tryuklarni mahorat bilan bajaradi, vertolyotni boshqara oladi va o‘ta hazilkash xarakterga ega. Yosh aktyor Glen Pauell GQ nashriga bergan intervyusida hamkasbi haqida so‘zlab berdi.
Aktyorlar “Top Gan: Meverik” filmining so‘nggi qismini suratga olish vaqtida tanishdi va do‘st tutindi. Tom Kruz Glenga ko‘p narsalarni o‘rgatdi, kino olamida murabbiylik qildi. Pauell hamkorlik haqidagi taassurotlari bilan bo‘lishdi.
“Tom Kruz bilan o‘rtamizda ajoyib bog‘liqlik bor: ikkimiz ham kino sanoatiga o‘zgacha mehr qo‘ygan ashaddiy aktyorlarmiz. Men ma’lum loyihaning har bir tafsilotini biladigan aktyorni birinchi marta ko‘rishim. U ssenariyni ipidan ignasigacha bilar, barcha ishtirokchilar bilan iliq muloqot qilar, hamkasblarga juda do‘stona va hurmat bilan munosabatda bo‘lar edi”.
Ekstremal sport ixlosmandi Tom Kruzning hazillari esa alohida e’tiborga loyiq. Bir kuni u Glenni vertolyotda shahar chetidagi suratga olish maydonidan Londongacha eltib qo‘yishni taklif qildi. Kim bunday imkoniyatni qo‘ldan boy beradi deysiz?
Ammo Pauell qaytib Tom boshqaradigan vertolyotga chiqmasa kerak. Parvoz vaqtida Kruz:
“Yo‘q, yo‘q! deya baqirdi va vertolyotni pastlata boshlaydi. Men qo‘rqib ketgan edim: “Nahotki men mashhur aktyor bilan London markaziga yetib bormay vertolyotda halok bo‘lgan noma’lum shaxs bo‘lib qolsam?”
— deya aktyor kulgili voqea tafsilotlari bilan o‘rtoqlashdi.
Izoh (0)