FA Chempionlar Ligasi finali uchun kuchaytirilgan xavfsizlik choralarini rejalashtirmoqda.
1-iyun kuni “Uembli”da Chempionlar ligasining hal qiluvchi o‘yini bo‘lib o‘tadi. Unda “Real Madrid” va Dortmundning “Borussiya” jamoalari o‘ynaydi.
Daily Mail xabariga ko‘ra, FA stadion tarixidagi eng yirik xavfsizlik operatsiyasini o‘tkazish uchun 5 million funt ajratgan.
Ta’kidlanishicha, tashkilot Londonda bo‘lib o‘tgan Yevro-2020 finali hamda Parij va Istanbuldagi Chempionlar ligasi finali vaqtida yuzaga kelgan shov-shuvli vaziyatlarning oldini olishga intiladi.
Ajratilgan mablag‘ qo‘shimcha panjara va darvozalar o‘rnatishga, shuningdek, eshiklarni magnitli qulflash tizimlari bilan mustahkamlashga sarflandi – bu, tashkilotchilarning fikricha, tashrif buyuruvchilarning kiyimlari ilgaklar sabab yirtilishi holatlarini bartaraf etadi.
Mablag‘larning salmoqli qismi videokuzatuv tizimini takomillashtirish va 18 nafar xodim uchun ikkinchi qo‘riqlash nazorati xonasini ishga tushirishga sarflandi. Yangi bo‘lim stadion tashqarisidagi, jumladan, metro stansiyalari va kafelardagi voqealarni kuzatish uchun javobgar bo‘ladi.
Stadionda tashrif buyuruvchilarning chiptalari uch bosqichda tekshiriladi. Atrofdagi hududlar alkogolsiz hududlarga aylanadi. Giyohvand moddalarga ega bo‘lgan shaxslarni aniqlash uchun xizmat itlardan foydalaniladi.
Izoh (0)