Endilikda mijozlar uchun Beeline tarmog‘iga ulanish yanada qulaylashdi. Digital-operator SIM-kartalarni masofadan identifikatsiya qilish imkoniyati bilan butun O‘zbekiston bo‘ylab yetkazib berish bo‘yicha yangi xizmatni ishga tushirdi.
Yangi xizmatdan foydalanish oson: nomer.beeline.uz saytiga kirish, “SIM-kartani yetkazib berish” opsiyasini tanlash, kerakli raqam va tarifni tanlash, maʼlumotlarni kiritish va talabnoma holati haqida SMS-xabarni kutish lozim. SIM-kartalar bir kun ichida bepul yetkazib beriladi. So‘ngra, identifikatsiyada to‘liq o‘tib, uyali aloqa xizmatlarini taqdim etish bo‘yicha shartnoma imzolanganidan keyin, tanlangan tarifga ulanish va faollashtirish kompaniya xodimlari tomonidan masofadan turib amalga oshiriladi.
Bundan tashqari, Beeline Uzbekistan mos keluvchi qurilmalar uchun eSIM xizmatini taklif qiladi, bu ham nomer.beeline.uz xizmati orqali mijozlarga uydan chiqmasdan raqamli SIM-kartalarni faollashtirish imkonini beradi. eSIM — qurilmaning o‘ziga o‘rnatilgan raqamli SIM-karta bo‘lib, oddiy SIM-karta kabi ishlaydi — u barcha mobil xizmatlarni qo‘llab-quvvatlaydi, lekin uni jismonan sindirish yoki yo‘qotish mumkin emas. eSIM iOS va Android smartfonlari, baʼzi planshetlar va bir qator aqlli soatlar modellari tomonidan qo‘llab-quvvatlanadi. Uning asosiy afzalligi — bir vaqtning o‘zida ikkita raqamdan foydalanish imkoniyati: masalan, oddiy SIM-karta va eSIM orqali. Smartfon ikki yoki undan ortiq “raqamli” kartalarni xotirasida saqlaydi, zarur vaqtda ularni faollashtirish mumkin.
nomer.beeline.uz raqamli xizmati ilgari faqat jismoniy xizmat ko‘rsatish ofislarida mavjud bo‘lgan boshqa bir qator qulay xizmatlarni taklif etadi. Endi mijozlar:
- Qurilmani almashtirishda, 10 martagacha eSIM’ni masofadan turib qayta faollashtirishlari mumkin.
- Raqamli operator ofisida ulanish yoki yetkazib berish xizmatidan foydalanishdan oldin raqamlarni raqamli formatda ko‘rishlari va bron qilishlari mumkin.
- SIM-kartani butun mamlakat bo‘ylab bepul yetkazib berish imkoniyatidan foydalanishlari mumkin.
- Kompaniyaning barcha xizmatlaridan cheklovlarsiz foydalanish uchun shaxsiy maʼlumotlarini yangilashlari mumkin.
- “Chiroyli” raqamlarni xarid qilish uchun auksionlarda ishtirok etishlari mumkin.
“Digital Office – bu shunchaki masofaviy xizmatlar uchun platforma emas. Bu mijozlar bilan o‘zaro munosabatda bo‘lish uchun kompleks yondashuv bo‘lib, uydan chiqmasdan mobil aloqa bilan bog‘liq ko‘plab muammolarni hal qilish imkonini beradi. Bu nafaqat qulay va telekommunikatsiya sohasini rivojlantirishning zamonaviy tendensiyalariga javob beradi, balki mamlakatimizda raqamlashtirish jarayonini jadallashtirishga xizmat qiladi. Ishonchimiz komilki, turli raqamli xizmatlardan foydalanish imkoniyati — iqtisodiyotni rivojlantirish va odamlarning hayot sifatini yaxshilashning asosiy jihati hisoblanadi”, — deya izoh berdi Beeline Uzbekistan tijorat direktori Maksim Yefremov.
nomer.beeline.uz platformasida mavjud xizmatlardan foydalanishda, mijozlar masofadan turib identifikatsiyadan o‘tishlari uchun amaldagi shaxsni tasdiqlovchi hujjatlarga ega bo‘lishlari kerak.
***
- “Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahrida (Niderlandiya) joylashgan VEON xalqaro telekommunikatsiya xoldingi tarkibiga kiradi
- VEON 6 jadal rivojlanib borayotgan mamlakatda 160 milliondan ziyod foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.
Sayt: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: @beeline-uzbekistan
Reklama huquqi asosida.
Izoh (0)