NATO bosh kotibi Yens Stoltenberg Yevropa birlashgan armiyasini yaratish g‘oyasiga qarshi chiqdi. Bu haqda u The Economist nashriga bergan intervyusida aytib o‘tdi.
Blok rahbari Yevropaning mudofaa xarajatlarini oshirish borasidagi sa’y-harakatlarini olqishlashini ta’kidladi. Biroq u Yevropa Ittifoqi (YI) Shimoliy Atlantika alyansining o‘rnini bosa olmasligini ma’lum qildi.
“NATO asosiy tuzilma bo‘lishi kerak, ammo biz Yevropa Ittifoqining saʼy-harakatlarini, agar ular NATO bilan raqobat qilmasa yoki uni takrorlamas ekan, olqishlaymiz”, — dedi bosh kotib.
Avvalroq Britaniya mudofaa vaziri Grant Shapps NATOga aʼzo bo‘lmagan, ammo uning mudofaa qobiliyatidan foydalanayotgan neytral davlatlar harbiy ittifoqqa qo‘shilishi kerakligini aytib o‘tgandi.
Izoh (0)