“Bayer”ning 21 yoshli yarim himoyachisi Florian Virts 2023—2024-yilgi mavsumda Yevropa Ligasining eng yaxshi yosh futbolchisi deb topildi, deb xabar bermoqda UEFA rasmiy sayti.
Virts bu sovrinni ketma-ket ikkinchi bor Yevropa Ligasida qo‘lga kiritdi. Nemis yarim himoyachisi yevrokubok o‘yinlarida ajoyib o‘yin ko‘rsatdi va Germaniya klubiga finalga qadar yordam berdi. Finalda Leverkuzen klubi “Atalanta”ga yutqazdi.
2023—2024-yilgi Yevropa Ligasining 11 o‘yinida Virts 4 ta gol urdi va 4 ta golli uzatmani amalga oshirdi. Yarim himoyachi 3-turda “Karabax” bilan o‘yinda uchta golli uzatmani amalga oshirdi. “Bayer” raqibini 5:1 hisobida mag‘lub etgan o‘yinda Virts gol ham urdi.
Futbolchining klub bilan amaldagi mehnat shartnomasi 2027-yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 110 million yevroni tashkil qiladi.
Eslatib o‘tamiz, “Bayer” tarixda ilk bor Germaniya chempioni bo‘ldi. Alonso shogirdlari Germaniya kubogi g‘olibiga ham aylanishi mumkin, ular finalda “Kayzerslautern” bilan o‘ynaydi. O‘yin bugun, 25-may kuni bo‘lib o‘tadi
Izoh (0)