Pentagon Ukrainaga 275 million dollarlik yangi harbiy yordam paketini e’lon qildi. Mazkur paket HIMARS raketa tizimi uchun o‘q-dorilar va artilleriya snaryadlarini o‘z ichiga oladi.
Bugun Mudofaa vazirligi Ukrainaning muhim xavfsizlik va mudofaa ehtiyojlarini qondirish uchun yangi yordam paketini e’lon qildi, — deyiladi AQSH Mudofaa vazirligi bayonotida.
HIMARS MLRS uchun o‘q-dorilarga qo‘shimcha ravishda, yangi paketga 155 va 105 mm artilleriya snaryadlari, 60 mm minomyot snaryadlari, TOW tankka qarshi raketa tizimi uchun snaryadlar, Javelin tankiga qarshi raketa tizimlari va boshqalar kiradi.
Kiyevga qurol-yarog‘dan tashqari dubulg‘alar, zirhlar, kimyoviy, biologik yoki radiologik xavf tug‘ilganda ishlatiladigan himoya vositalari, shuningdek, ehtiyot qismlar va sarf materiallari to‘plami beriladi.
AQSH Davlat kotibi Entoni Blinkenning Davlat departamenti veb-saytida e’lon qilingan xabarida ta’kidlanishicha, avvalgi paketlardagi yordam allaqachon yetib borgan hamda Qo‘shma Shtatlar yangi paketdagi qurol va o‘q-dorilarni “imkon qadar tezroq” yetkazib berishga harakat qiladi.
Izoh (0)