O‘zJOKUning 6 yilligi munosabati bilan tantanali tadbir tashkil etildi

Bugun O‘zbekiston jurnalistika va ommaviy kommunikatsiyalar universitetining 6 yilligi munosabati bilan tantanali tadbir tashkil etildi. Bu haqda Prezident matbuot kotibi Sherzod Asadov maʼlum qildi. 

Prezident Shavkat Mirziyoyev tashabbuslari bilan tashkil etilgan, Markaziy Osiyoda o‘xshashi bo‘lmagan universitet bugun har tomonlama yetuk va professional jurnalistik kadrlarni tayyorlashga o‘zining muhim hissasini qo‘shmoqda, bu borada salmoqli muvaffaqiyatlarga erishmoqda.

Universitet jamoasini, professor-o‘qituvchilari va talabalarini bu sana bilan tabriklagan holda taʼlim sifatini yanada oshirish, sohadagi ilg‘or yutuqlarni o‘zlashtirib, o‘quv jarayoni va amaliyotga tatbiq etishda, bir so‘z bilan aytganda, Yangi O‘zbekistonning yangi jurnalistikasini barpo etishda yanada yuksak marralarni egallashni tilaymiz. 

Shu bilan birga, joriy o‘quv yilida universitetni bitirayotgan yoshlarimiz sohada o‘z o‘rnini topib, professional mutaxassis sifatida davlatimiz va jamiyatimiz rivojida kamarbasta bo‘lishlariga ishonamiz, – deb yozadi Prezident matbuot kotibi.