“LG Intellektual Laboratoriyasi” endilikda Toshkentda

LG tashabbuslari talabalarga muvaffaqiyatli karyera boshlash uchun zarur bo‘lgan amaliy ko‘nikma va malakalarni egallashga yordam beradi.

Toshkentda, M.V. Lomonosov nomidagi Moskva davlat universiteti filialida va M.Ulug‘bek nomidagi O‘zbekiston milliy universitetida “LG intellektual laboratoriyasi” maʼrifiy marafoni maʼruzalari bo‘lib o‘tdi.

Bu yilgi marafon “Bilim ilhomlantirganda hayot yaxshi” shiori ostida bo‘lib o‘tadi. Tadbir spikeri — jamoatchilik bilan aloqalar va Rossiyada LG Electronics (LG) ning ESG loyihalari bo‘yicha katta direktori Tatyana Shahnes.

250 dan ortiq talabalar “Ilhom va optimistlik muvaffaqiyatli kommunikatsiyalarning kaliti sifatida” maʼruzalarining tinglovchilariga aylanishdi. LG kompaniyasining O‘zbekistondagi vakolatxonasi rahbari Janob Sangchol Li (Sangcheol Li) talabalarga qutlov nutqi bilan murojaat qildi.

“Biz sizni LG Electronics taʼlim tashabbusiga bag‘ishlangan ushbu muhim tadbirda ko‘rib turganimizdan mamnunmiz. Biz yosh avlodni bilim va o‘z-o‘zini rivojlantirishga intilishlarida qo‘llab-quvvatlashga intilamiz, chunki aynan ular jamiyat va mamlakat kelajagi rivojining harakatlantiruvchi kuchi hisoblanadi.

2024-yilda LG kompaniyasi O‘zbekistonda korporativ ko‘ngillilik sohasidagi tashabbuslarini faol ravishda kengaytirishni rejalashtirayotganini faxr bilan eʼlon qilamiz. Bu ustuvor yo‘nalish bo‘lib, unda biz ijtimoiy masʼuliyat va ijtimoiy hayotda ishtirok etishga alohida eʼtibor qaratamiz. Biz ishonamizki, har biringiz yaxshiroq dunyoni yaratishga hissa qo‘sha olasiz va bu yo‘lda sizning hamrohingiz bo‘lish imkoniyatiga ega ekanligimizdan faxrlanamiz”, dedi Janob Sangchol Li.

Maʼruzachi T. Shahnes PR-sanoatidagi dolzarb tendensiyalar, samarali marketing kommunikatsiyalari vositalari, shuningdek, “Yulduzlar uyi” loyihasi misolida fikr yetakchilari bilan ishlash haqida gapirdi. Bundan tashqari, kompaniyaning donorlik tashabbuslari, LG ko‘ngillilik dasturlari va yuqori texnologiyalar va sanʼatni birlashtirgan ijtimoiy-madaniy loyihalar muhokama qilindi.

T. Shahnes o‘z nutqida ijobiy hikoya kommunikatsiya jarayonida muhim rol o‘ynashini taʼkidlab o‘tdi. LG brendining “Hayot yaxshi” (Lifeʼs Good) falsafasi optimizmga asoslangan bo‘lib, u butun dunyo bo‘ylab foydalanuvchilar hayotini yaxshilashga qaratilgan. Maʼruzachi, shuningdek, kelajakdagi PR mutaxassislari uchun nafaqat media makonidagi dolzarb tendensiyalarni kuzatish, balki kompetensiyalar darajasini doimiy ravishda oshirish muhimligini taʼkidladi.

Spikerning taʼkidlashicha, LG xalqaro ko‘rgazmalarda yangi mahsulotlar va kelajak kontsepsiyalarini namoyish etmoqda. Ular orasida muzlatkich, elektr plita, kiyim-kechak va poyafzal parvarishi uchun LG Styler, shuningdek, LG kompaniyasining kelajakning harakatchanligi haqidagi tasavvurini namoyish etuvchi konsept-avtomobil kabi turli xil texnikalar bilan jihozlangan, ochiq havoda sayohat qilish va dam olish uchun mo‘ljallangan Bon Voyage treyleri ham bor.

Toshkentdagi taʼlim tadbiri barcha tashrif buyuruvchilar uchun muloqot maydonchasi va ilhom manbai bo‘ldi. Kompaniya ijobiy o‘zaro taʼsir madaniyatini rivojlantirishga intilishini namoyish etdi hamda optimistik va Ilhom kommunikatsiyalar sohasida yuqori natijalarga erishishga yordam berishini tasdiqladi.

Reklama huquqi asosida.