Birlashgan Millatlar Tashkilotining Falastinlik qochqinlarga yordam ko‘rsatuvchi tashkiloti (UNRWA) G‘azoning janubiy qismidagi Rafah shahrida oziq-ovqat tarqatishni to‘xtatib qo‘ydi.
Hozirgi vaqtda mazkur hududda oziq-ovqat tarqatish ta’minotda yetishmovchilik va xavfsizlikning yo‘qligi sababli imkonsiz, Rafahdagi oziq-ovqat tarqatish punkti va ombori Isroilning davom etayotgan harbiy operatsiyasi sababli yopilgan, — deyiladi UNRWA xabarida.
May oyining boshidan beri Isroil armiyasi HAMASning qolgan tuzilmalariga qarshi Rafahda quruqlikdagi amaliyotlarni boshlagan.
BMTga ko‘ra, 6-maydan beri Rafahni deyarli 800 ming kishi tark etgan. Ular G‘azo qirg‘og‘ida joylashgan Al-Mavazi lageriga ko‘chib o‘tgan, bu lager Isroil harbiylari tomonidan gumanitar zona deb e’lon qilingan.
Isroil hujumidan oldin Rafah shahri, Misr bilan chegarada taxminan 1,4 million nafar aholi yashagan, ularning ko‘pchiligini G‘azoning boshqa hududlaridagi jangovar harakatlardan qochgan qochqinlar tashkil etgan.
Izoh (0)