Airbus Helicopters o‘zining tajriba namunasi — The Racer nomli samolyot va vertolyot gibridini taqdim etdi. Bu haqda Europa Plus nashri xabar bermoqda.
Ma’lumotlarga ko‘ra, The Racer samolyotga xos ikki eltuvchi vintlarni va vertolyotga xos ikki propellerni o‘zida birlashtiradi. Faqatgina gibridning propelleri orqa tomonda joylashgan.
Uchish apparatining konstruksiyasi barqarorlik va tezlikni saqlab qolish, favqulodda vaziyatlarda tezlik bilan javob berish imkonini taqdim qiladi. Chunki vertolyotlar samolyotlarga qaraganda ancha sekin uchadi va deyarli har qanday sirtda qo‘nish va uchish qobiliyatiga ega.
Muhandislarning ta’kidlashicha, yarim samolyot va yarim vertolyot moslamasi yuqori tezlik va yaxshi manyovr qilish qobiliyatiga ega. Mazkur transport favqulodda xizmatlar uchun foydali bo‘ladi, chunki u tezroq to‘xtaydi va bedarak yo‘qolganlarni qidirish vaqtini qisqartiradi.
Shunday missiyalar borki, ular iloji boricha tezroq biror joyga yetib olish va aniq joyga qo‘nishni talab etadi. Biz buni “oltin vaqt” deb ataymiz. Bu fursat ichida yordamga muhtoj shaxslarni tezlik bilan topish va ularga tibbiy yordam ko‘rsatishga ulgurish kerak, — dedi Airbus Helicopters bosh direktori Bruno Even.
Hozircha The Racer’ning bir nafar tajriba nusxasi yig‘ilgan. Bunday turkumdagi samolyotlar harbiylar uchun ishlab chiqarilishi mumkin. Uning narxi taxminan 217 million dollarga baholanmoqda. Muhandislarning ma’lumotlariga ko‘ra, The Racer 400 km/soatgacha tezlikka chiqa oladi.
Bundan tashqari, Airbus kompaniyasi nafaqat samoni zabt etish, balki CO2 chiqindilarini kamaytirishni ham maqsad qilgan. Korxona yonilg‘i sarfini kamaytirish va gibrid samolyotdan chiqadigan baland shovqinni kamaytirish ustida tajribalar olib bormoqda.
Izoh (0)