“Toshkent shahar elektr tarmoqlari” poytaxt tumanlarining ayrim hududlarida elektr taʼminoti vaqtincha to‘xtatilishini ma’lum qildi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida taʼmirlash ishlarini olib borish maqsadida bugun, 16-may kuni quyidagi manzillarda elektr taʼminoti vaqtincha o‘chiriladi:
- Mirobod tumani — “Yangi Mirobod” MFYning ayrim hududlarida soat 10:00 dan 17:00 gacha;
- Yashnobod tumani — “Boysun” MFYning ayrim hududlarida soat 10:00 dan 17:00 gacha;
- Bektemir tumani — “Musaffo” hamda “Abay” MFYlarining ayrim hududlarida soat 10:00 dan 15:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi aytilmoqda.
“Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Avvalroq O‘zbekistonda bir oyda energiya resurslaridan foydalanishda qoidalarini buzish bilan bog‘liq 600 ta ma’muriy ish rasmiylashtirilgani to‘g‘risida xabar berilgandi.
Izoh (0)